ព័ត៌មានទាន់ហេតុការណ៍៖

បញ្ជូនខ្លួន​ជនសង្ស័យម្នាក់ក្នុងចំណោមបក្ខពួក០៣នាក់ ពាក់ព័ន្ធករណីហិង្សាដោយចេតនា​ ទៅតុលាការ​

ចែករំលែក៖

ភ្នំពេញ​៖​ កម្លាំងអធិការដ្ឋាននរគបាលខណ្ឌដូនពេញ នៅព្រឹកថ្ងៃទី​២៥​ ខែឧសភា​ ឆ្នាំ​២០២៤នេះ​ បានបង្ហាញមុខ​ជនសង្ស័យម្នាក់ក្នុងចំណោមបក្ខពួក០៣នាក់ ពាក់ព័ន្ធករណីហិង្សាដោយចេតនា​ ក្រោយឃាត់ខ្លួន​យកមកសាកសួរ​រហូត​បញ្ចប់​នីតិវិធី​ និងត្រៀមខ្លួនបញ្ជូនទៅកាន់​សាលាដំបូងរាជធានីភ្នំពេញ​ ដេីម្បីចាត់ការតាមច្បាប់​។ 

បេីតាមការ​បញ្ជាក់ពី​មន្រ្តីជំនាញ​ នៃអធិការដ្ឋាននរគបាលខណ្ឌដូនពេញ បានឱ្យដឹងថា​ កម្លាំង​សមត្ថកិច្ច​ជំនាញ​ខណ្ឌ​ កាលពីថ្ងៃទី២៣ ខែឧសភា ឆ្នាំ២០២៤​ បានធ្វើការស្រាវជ្រាវឈានដល់ឃាត់ខ្លួនជនសង្ស័យម្នាក់ក្នុងចំណោមបក្ខពួក០៣នាក់ ពាក់ព័ន្ធករណីហិង្សាដោយចេតនា (យកកាំបិត ព្រួត គ្នា កាប់ ត្រូវក្បាល និងដៃធ្ងន់ធ្ងរ) កាលពីថ្ងៃទី២១ ខែឧសភា ឆ្នាំ២០២៤ វេលាម៉ោង០៣:៤០នាទីទាបភ្លឺ នៅចំណុចផ្លូវ១៧២ សង្កាត់ផ្សារថ្មីទី៣ ខណ្ឌដូនពេញ។

ជនសង្ស័យឈ្មោះ ហេង ឈាង ភេទប្រុស ជនជាតិខ្មែរ មុខរបរមិនពិតប្រាកដ ស្នាក់នៅផ្ទះលេខ២៨Eo ផ្លូវ១៩ សង្កាត់ជ័យជំនះ ខណ្ឌដូនពេញ។

បច្ចុប្បន្នជនសង្ស័យ សមត្ថកិច្ចជំនាញ​ផ្នែក​យុត្តិធម៌​ នៅព្រឹក​ថ្ងៃ​ទី​២៥​ ខែឧសភា​នេះ​ បានបញ្ជូនខ្លួនជនសង្ស័យ​ទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕

ដោយ​៖ តារា​


ចែករំលែក៖