សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងអធិការដ្ឋាននគរបាលខណ្ឌ៧មករា នៅថ្ងៃទី២៦ ខែឧសភា ឆ្នាំ២០២៤នេះ បានឱ្យដឹងថា បុរសជនជាតិវៀតណាមម្នាក់ ត្រូវបានកម្លាំងនគរបាលជំនាញខណ្ឌ អន្តរាគមន៍ឃាត់ខ្លួន ពាក់ព័ន្ធនឹងករណីលួចម៉ូតូ។
ករណីឃាត់ខ្លួនជនសង្ស័យខាងលេីនេះ បានធ្វេីឡេីងកាលពីរសៀលថ្ងៃទី២៥ ខែឧសភា ឆ្នាំ២០២៤ នៅត្រង់ចំណុចមុខផ្ទះលេខ១៦៤អឺ០ ផ្លូវ៩៣ ភូមិ៤ សង្កាត់អូរឫស្សីទី៤ ខណ្ឌ៧មករា រាជធានីភ្នំពេញ។
ជនសង្ស័យមានឈ្មោះ ង្វៀង យ៉ាងតាយ ភេទប្រុស អាយុ២៨ឆ្នាំ ជនជាតិវៀតណាម មុខរបរកម្មករសំណង់ បច្ចុប្បន្នស្នាក់នៅទីលំនៅមិនពិតប្រាកដ។
ក្រោយពីសមត្ថកិច្ចឃាត់ខ្លួន កម្លាំងជំនាញបានធ្វើតេស្តស្វែងរកសារធាតុញៀនបញ្ជាក់ជាលទ្ធផលឃើញ ថា(វិជ្ជមាន)មានសារធាតុញៀន។
សម្ភារៈនិងវត្ថុតាងរួមមាន៖
១-ម៉ូតូ១គ្រឿង ម៉ាកនិច ពណ៌ស ស្លាកលេខ ភ្នំពេញ 1P-9613(ជារបស់ជនរងគ្រោះ)។
២-កូនសោរម៉ូតូចំនួន១ (ជារបស់ជនសង្ស័យ)។
សមត្ថកិច្ចជំនាញបានប្រគល់ម៉ូតូ១គ្រឿង ម៉ាកនិច ពណ៌ស ស្លាកលេខ ភ្នំពេញ 1P-9613 ឱ្យទៅជនរងគ្រោះវិញតាមការស្នើសុំ។
បច្ចុប្បន្នជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌ៧មករា ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធីច្បាប់៕
ដោយ៖ អរុណរះ
