បន្ទាប់ពី២៤ឆ្នាំ ប្រធានាធិបតីបារាំងបានធ្វើទស្សនកិច្ចនៅប្រទេសអាល្លឺម៉ង់

ចែករំលែក៖

នេះគឺជាដំណើរទស្សនកិច្ចផ្លូវរដ្ឋលើកដំបូងរបស់ប្រធានាធិបតីបារាំងទៅកាន់ប្រទេសអាល្លឺម៉ង់ ក្នុងរយៈពេល ២៤ ឆ្នាំ ដោយមានគោលដៅរួមគ្នាដោះស្រាយបញ្ហាប្រឈមដែលអឺរ៉ុបកំពុងប្រឈមមុខ ជាពិសេសជម្លោះនៅអ៊ុយក្រែន។
ទីភ្នាក់ងារព័ត៌មាន Reuters បានរាយការណ៍ថា នៅថ្ងៃទី 26 ខែឧសភា ប្រធានាធិបតីបារាំង Emmanuel Macron បានទៅដល់ទីក្រុង Berlin (ប្រទេសអាល្លឺម៉ង់) ដោយចាប់ផ្តើមដំណើរទស្សនកិច្ចផ្លូវរដ្ឋរយៈពេលបីថ្ងៃ។ នេះជាដំណើរទស្សនកិច្ចផ្លូវរដ្ឋលើកដំបូងរបស់ប្រធានាធិបតីបារាំងទៅអាល្លឺម៉ង់ក្នុងរយៈពេល២៤ឆ្នាំ។
សកម្មភាពបើកសម្រាប់ដំណើរទស្សនកិច្ចនេះគឺជំនួបរវាងប្រធានាធិបតី Macron និងសមភាគីអាល្លឺម៉ង់ លោក Frank-Walter Steinmeier នៅវិមានប្រធានាធិបតី Schloss Bellevu (Berlin)។
លោកបានបន្តថា៖ «ដំណើរទស្សនកិច្ចផ្លូវរដ្ឋនេះមកដល់ពេលវេលាដ៏សំខាន់សម្រាប់អឺរ៉ុប។ លោក Macron បាននិយាយក្នុងអំឡុងសន្និសីទកាសែតជាមួយលោក Steinmeier ថា នេះមានន័យថា វាចាំបាច់ដើម្បីលើកកម្ពស់ទំនាក់ទំនងរវាងបារាំង នឹងអាល្លឺម៉ង់។
ចំណែកលោក Steinmeier បានបញ្ជាក់ថា កិច្ចសហប្រតិបត្តិការរវាងប្រទេសអាល្លឺម៉ង់នឹងបារាំងអាចយកឈ្នះលើបញ្ហាប្រឈមភូមិសាស្ត្រនយោបាយដែលអឺរ៉ុបកំពុងប្រឈមមុខ ដូចជាសង្គ្រាមរុស្ស៊ី-អ៊ុយក្រែន និងសង្គ្រាមរវាងអុីស្រាអែល នឹងក្រុមហាម៉ាស់នៅហ្គាហ្សា និងការបោះឆ្នោតប្រធានាធិបតីសហរដ្ឋអាមេរិក។
នៅថ្ងៃទី 28 ខែឧសភា លោក Macron ត្រូវបានគេរំពឹងថានឹងធ្វើទស្សនកិច្ចនៅទីក្រុង Muenster (ភាគខាងលិចប្រទេសអាល្លឺម៉ង់) ហើយបន្ទាប់មកទៅកាន់គេហដ្ឋាន Meseberg នៅថ្ងៃដដែលដើម្បីជួបនាយករដ្ឋមន្ត្រីអាល្លឺម៉ង់ Olaf Scholz ៕ ដោយ៖ ធីរីណា