កម្លាំងអធិការដ្ឋាននគរបាលក្រុងខេមរភូមិន្ទ បង្ក្រាបបានករណីក្មេងទំនើងមួយក្រុម ប្រដាប់ដោយកាំបិតផ្គាក់៣ដើម

ខេត្តកោះកុង ៖ ដោយ អនុវត្ត តាមបទបញ្ជា លោក ឧត្ដមសេនីយ៍ ទោ គង់ មនោ ស្នងការ នគរបាល ខេត្ត កោះកុង នៅថ្ងៃទី២៧ ខែឧសភា ឆ្នាំ២០២៤ វេលាម៉ោង១៥:៣៤នាទី ម្សិលមុិញ នៅចំណុចម្តុំបន្ទប់ជួល ស្ថិតក្នុងភូមិស្មាច់មានជយ័ សង្កាត់ស្មាច់មានជយ័ កម្លាំងអធិការដ្ឋាននគរបាលក្រុងខេមរភូមិន្ទ បង្ក្រាបបានករណីក្មេងទំនើងមួយក្រុម ប្រដាប់ដោយកាំបិតផ្គាក់៣ដើម   បំរុង ធ្វើសកម្មភាពប្រព្រឹត្តបទល្មើសទៅលើភាគីម្ខាងទៀត តែទៅមិនជួប ក៏ត្រូវបានប្រជាពលរដ្ឋរាយការណ៍មកសមត្ថកិច្ច ចេញបង្ការទប់ស្កាត់ និងឃាត់ខ្លួនបានទាន់ពេលវេលា។

សមត្ថកិច្ចបានបញ្ជាក់ថា ៖ ជនសង្ស័យ មានគ្នា ចំនួន ០៣នាក់រួមមាន ៖

១.ឈ្មោះ ញៀន ណារិទ្ធ (ហៅសូរ)ភេទប្រុស អាយុ២៥ឆ្នាំ សញ្ជាតិខ្មែរ  មុខរបរមិនពិតប្រាកដ ទីលំនៅបច្ចុប្បន្នភូមិ០១ សង្កាត់ស្មាច់មានជយ័។

២.ឈ្មោះ នី សំសានុ ភេទប្រុស អាយុ១៦ឆ្នាំ សញ្ជាតិខ្មែរ មុខរបរមិនពិតប្រាកដទីលំនៅបច្ចុប្បន្នភូមិស្ទឹងវែង សង្កាត់ស្ទឹងវែង។

៣.ឈ្មោះ ផល បញ្ញា ភេទប្រុស អាយុ១៨ឆ្នាំ សញ្ជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នភូមិស្ទឹងវែង សង្កាត់ស្ទឹងវែង។

ករណីឃាត់ខ្លួននេះសមត្ថកិច្ចចាប់យកវត្ថុតាង រួមមាន ៖ 

-កាំបិតផ្គាក់៣ដើម ។ 

  សមត្ថកិច្ចបន្តថា ៖ ករណីនេះជំនាញកំពុងកសាងសំណុំរឿងបញ្ជូនទៅការិយាលយ័ជំនាញខេត្តដើម្បីចាត់ការបន្តតាមនីតិវិធី៕

ដោយ ៖ សិលា