សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នៅថ្ងៃទី៧ ខែមិថុនា ឆ្នាំ២០២៤ គណៈកម្មាធិការជាតិសម្របសម្រួលព័ត៌មាននិងសាធារណមតិ (គ.ស.ព.ស) បានច្រានចោលព័ត៌មានបំភ្លៃដើម្បីបំពុលមតិសាធារណៈពាក់ព័ន្ធនឹងការសាងសង់វិមានឈ្នះឈ្នះនៅស្រុកអន្លង់វែង ខេត្តឧត្តរមានជ័យ ដែលថ្មីៗនេះ ត្រូវបានបណ្តាញសង្គមមួយចំនួន បង្ហោះផ្សាយព័ត៌មានមិនពិតអមជាមួយរូបភាពសំណង់ដែលកំពុងត្រូវបានគេបង្ហោះផ្សាយនោះ ថាជាស្តូបវៀតណាម ទៅវិញ។
គណៈកម្មាធិការជាតិសម្របសម្រួលព័ត៌មាននិងសាធារណមតិ បានបញ្ជាក់ថា សមត្ថកិច្ចកំពុងស្រាវជ្រាវរកមុខអ្នកបំភ្លៃព័ត៌មានដើម្បីបំពុលសង្គមទាំងនោះ ហើយអំពាវនាវដល់បងប្អូនប្រជាពលរដ្ឋកុំមានការយល់ច្រលំនិងឈប់ចែកចាយនូវព័ត៌មានបំភ្លៃទាំងនេះបន្តទៀត៕
ដោយ ៖ សិលា
