សារព័ត៌មាន នគរវត្ត តែងតែនាំមុខគេជានិច្ច
នាយករដ្ឋមន្ត្រីបែលហ្ស៊ិក លោកAlexander De Croo បានប្រកាសលាលែងពីតំណែង បន្ទាប់ពីគណបក្សរបស់លោកបានរងបរាជ័យយ៉ាងធ្ងន់ធ្ងរនៅក្នុងការបោះឆ្នោតសហព័ន្ធ។
កាលពីថ្ងៃទី 9 ខែមិថុនា នាយករដ្ឋមន្ត្រីបែលហ្ស៊ិក Alexander De Croo បានប្រកាសលាលែងពីតំណែងចាប់ពីថ្ងៃទី 10 ខែមិថុនា បន្ទាប់ពីគណបក្សរបស់គាត់បានរងបរាជ័យយ៉ាងធ្ងន់ធ្ងរនៅក្នុងការបោះឆ្នោតសភាសហព័ន្ធ។
នាយករដ្ឋមន្រ្តីបែលហ្ស៊ិក Alexander De Croo បានលាលែងពីតំណែងចាប់ពីថ្ងៃទី10 ខែមិថុនា។ ការប្រកាសនេះត្រូវបានធ្វើឡើងបន្ទាប់ពីការបរាជ័យនៃគណបក្សរបស់លោក Alexander De Croo គឺគណបក្ស Open Flemish Liberals and Democrats (Open VLD) – នៅពេលដែលគណបក្សនេះបានឈ្នះត្រឹមតែ 5.9% នៃសន្លឹកឆ្នោតប៉ុណ្ណោះក្នុងចំណោមសំឡេងជិត 90% ដែលត្រូវបានរាប់នៅក្នុងការបោះឆ្នោតសភាសហព័ន្ធ ។
“ថ្ងៃស្អែកខ្ញុំនឹងលាលែងពីតំណែងជានាយករដ្ឋមន្ត្រី” – លោក De Croo បានប្រកាសនៅថ្ងៃទី 9 ខែមិថុនា។
ទោះបីជាលទ្ធផលបោះឆ្នោតខកចិត្តក៏ដោយ ក៏លោក De Croo នៅតែមានសុទិដ្ឋិនិយមអំពីអនាគតគណបក្សរបស់លោក ហើយបានបញ្ជាក់ថា ក្រុមនេះនៅតែរឹងមាំ ហើយ “នឹងត្រលប់មកវិញ”។
ទោះបីជាលោក De Croo បានប្រកាសលាលែងពីតំណែងក៏ដោយ ក៏លោកនឹងកាន់តំណែងជាបណ្តោះអាសន្នរហូតដល់រដ្ឋាភិបាលថ្មីត្រូវបានបង្កើតឡើង។
បែលហ្ស៊ិកនឹងបន្តកាន់តំណែងជាប្រធានប្តូរវេននៃក្រុមប្រឹក្សាអឺរ៉ុបដែលជាមុខតំណែងដែលផ្លាស់ប្តូររៀងរាល់ប្រាំមួយខែក្នុងចំណោមរដ្ឋជាសមាជិករហូតដល់ថ្ងៃទី 30 ខែមិថុនា ឆ្នាំ 2024៕ ដោយ៖ ធីរីណា
រូបថត៖ AA
