សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ ៖ កម្លាំងសមត្ថកិច្ចជំនាញ នៃអធិការដ្ឋាននគរបាលស្រុកព្រៃកប្បាស នៅថ្ងៃព្រហស្បតិ៍ ៧កើត ខែជេស្ឋ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី១៣ ខែមិថុនា ឆ្នាំ២០២៤ វេលាម៉ោង១១និង៣០នាទី បានធ្វេីការចាប់ឃាត់ខ្លួនជនសង្ស័យម្នាក់ ក្នុងការបង្ក្រាបករណីជួញដូរ និងប្រេីប្រាស់នូវសារធាតុញៀន ។
ក្នុងប្រតិបត្តិការនេះដែរ ដោយមានការចង្អុលបង្ហាញពីសំណាក់ឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ ទេីបលោកវរសេនីយ៍ឯក ឡេង ប៊ុនឡុង អធិការនគរបាលស្រុកព្រៃកប្បាស បានដឹកនាំបញ្ជាកម្លាំងជំនាញអធិការរដ្ឋានសហការជាមួយកម្លាំងប៉ុស្តិ៍នគរបាលរដ្ឋបាលព្រៃល្វា បានចុះបង្ក្រាបករណី ជួញដូរ និងប្រើប្រាស់ដោយខុសច្បាប់នូវសារធាតុញៀន មួយករណីនៅចំណុច លើខ្នងព្រែក ត្រពាំងវៀញ ស្ថិតនៅក្នុងភូមិព្រៃល្វាលិច ឃុំព្រៃល្វា ស្រុកព្រៃកប្បាស ខេត្តតាកែវ ឃាត់ខ្លួនជនសង្ស័យម្នាក់ និងចាប់ដកហូតវត្ថុតាង ៖
ជនសង្ស័យដែលចាប់ឃាត់ខ្លួនមានឈ្មោះ សឿន សល ភេទប្រុស អាយុ២៦ឆ្នាំ មុខរបរមិនពិតប្រាកដ រស់នៅភូមិស្អាងភ្នំ ឃុំពាមសាលា ស្រុកស្អាង ខេត្តកណ្ដាល ។ និងចាប់យកវត្ថុតាងរួមមាន៖ ម្សៅក្រាមពណ៌សថ្លាសង្ស័យជាសាធាតុញៀន១៧កញ្ចប់ ម៉ូតូមួយគ្រឿងម៉ាកសង់ ពណ៌ខ្មៅ សេរី២០១២ គ្មានផ្លាកលេខ(សង់ប៊ិច) ទូរស័ព្ទមួយគ្រឿងម៉ាក Realmeពណ៏ខ្មៅ លុយចំនួន ១៦០០០០រៀល(ដប់ប្រាំមួយម៉ឺនរៀល)។
ក្រោយពីបញ្ចប់ប្រតិបត្តិការណ៍ កម្លាំងជំនាញបាននាំខ្លួនជនសង្ស័យខាងលើរួមទាំងវត្ថុតាងមកកាន់អធិការដ្ឋាននគរបាលស្រុកព្រៃកប្បាសដើម្បីសាកសួរនិងកសាងសំណុំរឿងតាមនីតិវិធី ៕
ដោយ ៖ ភារ៉ា ដង្កោ
