សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នាយឧត្តមសេនីយ៍ ខៀវ សុភ័គ រដ្ឋលេខាធិការ និងជាអ្នកនាំពាក្យក្រសួងមហាផ្ទៃ បានថ្លែងឱ្យដឹងនៅព្រឹកថ្ងៃទី២៣ ខែមិថុនា ឆ្នាំ២០២៤នេះថា កម្លាំងសមត្ថកិច្ចកម្ពុជា បានទទួលសំណើចំនួន ០៩ករណីទៀត ដែលស្នើឱ្យជួយសង្គ្រោះជនជាតិបរទេស ២៧នាក់ ,នេះបេីគិតចាប់ពីម៉ោង ៣៖០០នាទី នាថ្ងៃទី២០ ដល់វេលាម៉ោង ៣៖០០នាទី ថ្ងៃទី២១ ខែមិថុនា ឆ្នាំ២០២៤។
នាយឧត្តមសេនីយ៍ ខៀវ សុភ័គ បានថ្លែងបញ្ជាក់ថា៖ បច្ចុប្បន្នភាពស្រាវជ្រាវ តាមបញ្ជីតាមដាន គិតត្រឹមថ្ងៃទី២១ ខែមិថុនា ឆ្នាំ២០២៤ រួមមាន៖
*១៖ ទទួលបានណ្តឹងសរុប ១,៦៥៣សំណើរ មានមនុស្ស ៣,៥៧៤នាក់
*២៖ បានស្រាវជ្រាវស៊ើបអង្កេតបឋម ១,៤៤៩សំណើ និងបិទសំណុំរឿង ៤៦៧សំណើ (រកឃើញមនុស្ស ២,១១៧នាក់, ឃាត់ខ្លួនជនសង្ស័យ ១៤៧នាក់, បិទក្រុមហ៊ុន ៥ទីតាំង, និងផ្អាកអាជីវកម្ម ក៏ដូចជាស្រាវជ្រាវក្រុមហ៊ុន ៤ទីតាំង)
*៣៖ កំពុងបន្តបើកប្រតិបត្តិការស្រាវជ្រាវ និងស៊ើបអង្កេត ១៥៣ករណី។
បន្ថែមពីនេះ សមត្ថកិច្ចកម្ពុជាកំពុងបន្តប្រតិបត្តិការស្រាវជ្រាវ ស៊ើបអង្កេតសំណើរ និងសំណូមពរដែលនៅសេសសល់ផងដែរ៕
ដោយ៖ តារា
