សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ គ្រោះអគ្គិភ័យមួយបានឆាបឆេះផ្ទះល្វែងក្នុងបុរីពិភពថ្មីចំការដូង បង្កការភ្ញាក់ផ្អេីលដល់ប្រជាពលរដ្ឋ និងអាជ្ញាធរមូលដ្ឋាននៅវេលាម៉ោង១៦:៤០នាទី ថ្ងៃទី០៣ ខែកក្កដា ឆ្នាំ២០២៤ នៅចំណុច បុរីពិភពថ្មី១ (ចំការដូង) ផ្ទះលេខ១៩ ផ្លូវ២A ភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ។
សមត្ថកិច្ចបានឲ្យដឹងថា ម្ចាស់ផ្ទះមានឈ្មោះ សុខ រិទ្ធី ភេទប្រុស អាយុ៤២ឆ្នាំ មុខរបរ អាជីវករ រស់នៅទីតាំងកេីតហេតុខាងលេី ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុ មានប្រជាពលរដ្ឋជិតខាងរស់នៅក្នុងបុរីខាងលេីបានឃេីញមានផ្សែងខ្មៅហុយចេញពីជាន់ខាងលេី នៃផ្ទះរងគ្រោះ រួចក៏ប្រាប់ម្ចាស់ផ្ទះឲ្យឡេីងទៅមេីលដោយឃេីញមានអណ្ដាតភ្លេីងឆេះឡេីងជាខ្លាំង ទេីបរាយការណ៍ទៅអាជ្ញាធរមូលដ្ឋាន និងសមត្ថកិច្ចឲ្យមកជួយចេញរថយន្តពន្លត់អគ្គិភ័យមកធ្វេីការបាញ់ទឹកពន្លត់ ។
បន្ទាប់ពីទទួលបានព័ត៌មានខាងលេីភ្លាម កម្លាំងសមត្ថកិច្ចជំនាញបានចេញរថយន្តពន្លត់អគ្គិភ័យ សហការជាមួយប្រជាពលរដ្ឋធ្វេីការតទុយោបាញ់ទឹកពន្លត់យ៉ាងញាប់ដៃ ,ញាប់ជេីងរហូតពន្លត់ចប់នៅម៉ោង១៧:៣០នាទី ថ្ងៃខែឆ្នាំដដែល ដោយប្រេីប្រាស់រថយន្តពន្លត់អគ្គិភ័យអស់ចំនួន០២គ្រឿងប៉ុណ្ណោះ ។
សមត្ថកិច្ចបានបញ្ចាក់ថា មូលហេតុដែលបង្កគ្រោះអគ្គិភ័យខាងលេីគឺ បណ្ដាលមកពីឆ្លងចរន្តអគ្គិសនី ហេីយផ្ទះខាងលេីជាប្រភេទសំណង់ផ្ទះល្វែង ទំហំ៥មx១៦ម , ខូចខាត បន្ទប់ឡៅតឿ សម្ភារះក្នុងបន្ទប់ទាំងស្រុង និង ម៉ាសុីនឆុងកាហ្វេមួយចំនួន ។ និងមិនបង្កឲ្យមនុស្សស្លាប់ ឬរងរបួសនោះឡេីយ ៕
ដោយ ៖ ភារ៉ា ដង្កោ
