🔴កូនប្រុសលោក ព្រាប សុវត្ថិ កំពុងរងនូវការរិះគន់ពីមជ្ឈដ្ឋានមហាជន បន្ទាប់ពីស្លៀកពាក់ ឯកសណ្ឋានកងទ័ព សក់លើក្បាលវែង ក្រវិលត្រចៀក ច្រៀងបង្ហោះ អត់យល់ពី បទវិន័យទូទៅនៃខ.ភ.ម(មានវីដេអូ)

ភ្នំពេញ ៖ សក់ក្បាល ក្រវិលត្រចៀក ពេលស្លៀកពាក់ឯកសណ្ឋាននេះមិនគួរសម្តែងបែបនេះដែរ អង្គភាពមានបទវិន័យទូទៅនៃខ.ភ.ម !  សូមប្អូនបែងចែកឱ្យដាច់រវាងការងារនឹងសិល្បៈ។ នេះជាលើកឡើងលើបណ្ដាញបណ្តាញទំនាក់ទំនងសង្គម ព្រោងព្រាត រិះគន់កូនប្រុសលោក ព្រាប សុវត្ថិ តារាចម្រៀងលំដាប់និងជាឧកញ៉ា គឺ លោកព្រិន្ទបាលឯក សុវត្ថិ មុនីវណ្ណ ជំនួយការការិយាល័យទី៥កងទ័ពជើងគោក បានបញ្ចេញនូវកាយវិការមិនសមរម្យជាកងទ័ព ស្មើគាត់ជាកងទ័ពមិនបានចូលសាលា ឬគ្មានយល់ពីបទបញ្ជា ច្បាប់លក្ខន្តិកៈកងយោធពលខេមរភូមិន្ទ ។

នាយទាហានមួយរូបបានបង្ហោះថា លោកនាយចំណង់សែនសង្ហា តាមចិត្តម្តាយ ខុសបេះដូង…! ។ ត្រង់នេះមានន័យថា តួនាទីរបស់កងទ័ពមិនមែនស្លៀកពាក់ឯកសណ្ឋាន ហើយទុកសក់វែង ពាក់ក្រវិល គឺមិនសមរម្យ អាចប៉ះពាល់ដល់សេចក្តីថ្លៃថ្នូររបស់កងទ័ពដែលមានវិន័យ គ្មានមានសីលធម៌ មិនស្គាល់ពីតួនាទី ភារកិច្ច យកឯកសណ្ឋានកងទ័ពទៅសប្បាយឯកឯង តែប៉ះពាល់ដល់ទិដ្ឋភាពសង្គម ទិដ្ឋភាពច្បាប់ ។ 

អ្នកខ្លះបានលើកឡើងថា បើបានពាក់ស័ក្តិតាមរយៈឪពុកហើយ ហេតុអីមិនស្ងាត់ទៅ បែរជាមកអួតតាមបណ្តាញសង្គមទាំងមិនយល់ពីបទវិន័យទូទៅរបស់កងយោធពលខេមរភូមិន្ទផង ជំពូកទី៥ មាត្រា២៧ដល់២៩ បានចែងច្បាស់ពីឯកសណ្ឋាន សក់ ក្រចក ។ល។ ទង្វើនេះធ្វើអោយប៉ះពាល់ដល់សេចក្តីថ្លៃថ្នូររបស់កងយោធពលខេមរភូមិន្ទទៀតផង កុំភ្លេចថាខ្លួនជាមនុស្សសាធារណៈ មានអ្នកតាមដានច្រើន ហើយបង្ហោះលើបណ្តាញសង្គម បានចែកចាយពាសពេញពិភពលោក ហើយពេលពួកបរទេសផ្សេងគេឃើញ តើគេវាយតម្លៃលើកងយោធពលខេមរភូមិន្ទយើងរបៀបណា?

សូមបញ្ជាក់ថា  គ្មានបងប្អូន អ្នកណាម្នាក់ ស្អប់ខ្ពើមចំពោះតារាចម្រៀងបានចូលបម្រើកងទ័ពទេ មានតែពេញចិត្តនឹងសូមសរសើរ ។ ប៉ុន្តែគប្បីមើលពីវិន័យកងទ័ព ធ្វើអោយស័ក្តិសម ចៀសវាងទទួលរងនូវការរិះគន់យ៉ាងព្រោងព្រាតបែបនេះ គឺអាក្រក់ភ្នែកដល់មហាជន ជាពិសេសត្រូវយល់ថា តើកងទ័ពឯកសណ្ឋានបែបណា សក់បែបណា មិនមែនលាបក្រេម ម្សៅ សក់វែង ពាក់ក្រវិលតាមទង្វើបែបនេះទេ។ 

ជុំវិញបញ្ហានេះ លើបណ្តាញទំនាក់ទំនងសង្គម គេពុំទាន់ឃើញលោកព្រិន្ទបាលឯក សុវត្ថិ មុនីវណ្ណ ជំនួយការ ការិយាល័យទី៥ កងទ័ពជើងគោក បង្ហាញពីការឆ្លើយតប ឬប្រតិកម្ម នៅឡើយទេ ប៉ុន្តែលើបណ្តាញទំនាក់ទំនងសង្គមគាត់ធ្លាក់កូដដល់១៨០ ដឺក្រេហើយ !

នេះជាលើកទីមួយ ដែលមជ្ឈដ្ឋានទូទៅរបស់ប្រជាពលរដ្ឋ សមត្ថកិច្ច មន្ត្រីរាជការ បានបញ្ចេញមតិរិះគន់ក្នុងន័យស្ថាបនា ក្នុងការចូលរួមលើកតម្កើងកិត្តិយសកងទ័ព ។ 

សូមបញ្ជាក់ថា ៖ បច្ចុប្បន្នប្រជាពលរដ្ឋម្នាក់ មានព័ត៌មានលើដៃម្នាក់ ! ដូច្នេះដើរតាមបន្ទាត់ច្បាប់កងទ័ពផង ។ 

ពាក់ព័ន្ធករណីនេះ សង្ឃឹមថា លោកព្រិន្ទបាលឯក សុវត្ថិ មុនីវណ្ណ ជំនួយការ ការិយាល័យទី៥ ចេញបកស្រាយជូនសាធារណជន ឬខាងអង្គភាព ចេញសេចក្តីបំភ្លឺ បកស្រាយជូនសាធារណជន បានជ្រាប៕

ដោយ ៖ សិលា