សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ស្រវឹងខួប បែកឆ្វេងថាខ្មោចមកយកភ័យពេករត់ធ្លាក់ពីអគារជាន់ទី៤ស្លាប់ភ្លាមៗនៅកន្លែងកើតហេតុ បង្កឱ្យមានការភ្ញាក់ផ្អើលកាលពីវេលាម៉ោង ១២និង៣០នាទីរំលងអធ្រាត្រឈានចូលថ្ងៃទី៥ ខែកក្កដា ឆ្នាំ២០២៤ នៅអគារ ជាន់ទី៤ដែលស្ថិតនៅសង្កាត់ផ្សារថ្មីទី២ខណ្ឌដូនពេញ រាជធានីភ្នំពេញ ។
សពមានឈ្មោះ តេង សេងឌី ភេទប្រុសអាយុ៤២ឆ្នាំ មុខរបរមិនពិតប្រាកដ មានប្រពន្ធឈ្មោះ អៀវ ភួង អាយុ៤៣ឆ្នាំ មុខរបរដេីរលក់ខ្សែក្រវាត់។
ប្រភពពីស្រ្តីជាប្រពន្ធបានឱ្យដឹងថា មុនពេលកើតហេតុ ដោយបុរសរងគ្រោះត្រូវជាប្តីបានផឹកស្រាស្រវឹងហើយវង្វេងស្មារតី រវើរវាយ រួចក៏រត់ទៅផ្ទះចាស់ នៅជាន់ទី៤ព្រោះភ័យខ្លាចថា ខ្មោច(យមរាជ)មកយក ក៏បានលោតពីលើផ្ទះ ជាន់ទី៤ បណ្តាលឱ្យធ្លាក់ចំលេីទុយយោទឹកបាក់ហូរស្រោចពេញកន្លែងកេីតហេតុ ចំណែកជនរងគ្រោះបានស្លាប់បាត់បង់ជីវិតភ្លាមៗ បង្កការភ្ញាក់ផ្អើលដល់ប្រជាពលរដ្ឋជិតខាងនាំគ្នាលេីកសពពីកន្លែងកើតហេតុយកមកដាក់អែបខាងចិញ្ចើមផ្លូវហេីយក៏រាយការណ៍ទៅសមត្ថកិច្ចឱ្យចុះមកទីតាំងកើតហេតុភ្លាមៗ។ ដោយជីវភាពខ្វះខាត គ្មានថវិកាដេីម្បីយកសពទៅធ្វើបុណ្យ បន្ទាប់មកក៏មានបងប្អូនប្រជាពលរដ្ឋមានចិត្តអាណិត ខ្លះបានជួយជាថវិកា ដេីម្បីអោយក្រុមគ្រួសារយកទៅធ្វើបុណ្យតាមប្រពៃណី។
ក្រោយពេលកេីតហេតុ ដោយជីវភាពខ្វះខាត លេចឮដល់មេបញ្ជាការរងកងពលតូចលេខ៧០ ចូលរួមថវិកាមួយចំនួននិងបានអោយកងកម្លាំងយកសពទៅធ្វើបុណ្យតាមប្រពៃណីនៅវត្តទឹកថ្លា៕
ដោយ៖ រ៉ារ៉ា
