ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅរសៀលថ្ងៃទី០៨ ខែកក្កដា ឆ្នាំ២០២៤នេះ បានទទួលជួបជាមួួយលោក Geoffroy Roux de Bézieux ប្រធានសម្ព័ន្ធនិយោជកហ្វ្រង់កូហ្វូន ក្នុងជំនួបសម្ដែងការគួរសម និងពិភាក្សាការងារនៅវិមានសន្តិភាព។
សម្ព័ន្ធនិយោជកហ្វ្រង់កូហ្វូន (APF) គឺជាបណ្តាញក្រុមហ៊ុនដែលត្រូវបានបង្កើតឡើងនៅទីក្រុងប៉ារីស មានសមាជិកចំនួន ៣៤ ក្នុង ៣១ ប្រទេសនិយាយភាសាបារាំង និងមានក្រុមហ៊ុនដែលជាសម្ព័ន្ធភាព ៧០០.០០០។ APF ត្រូវបានជួបប្រជុំដើម្បីលើកទឹកចិត្តរវាងអ្នកធុរកិច្ចនៃប្រទេសផ្សេងៗគ្នា ដើម្បីជំរុញលំហូរពាណិជ្ជកម្ម និងសេដ្ឋកិច្ចនៅក្នុងតំបន់ដែលនិយាយភាសាបារាំង។
សភាពាណិជ្ជកម្មកម្ពុជា (CCC) សម្ព័ន្ធនិយោជកហ្វ្រង់កូហ្វូន (APF) ក្នុងអំឡុងពេលទស្សនកិច្ចផ្លូវការរបស់ សម្តេចធិបតីនាយករដ្ឋម្រ្តី នៅប្រទេសបារាំងក្នុងខែមករា ឆ្នាំ ២០២៤ ហើយប្រទេសកម្ពុជាត្រូវបានជ្រើសរើសធ្វើជាម្ចាស់ផ្ទះនៃ កិច្ចប្រជុំហ្វ្រង់កូហ្វូនលើកទី៦ នៅឆ្នាំ២០២៦៕
ដោយ៖ តារា