១០ឆ្នាំចុងក្រោយ ចំនួនសេដ្ឋីរបស់ប្រទេសវៀតណាមកើនឡើង៩៨ភាគរយ

ចំនួនសេដ្ឋីដែលមានទ្រព្យសម្បត្តិខ្ទង់លានដុល្លាររបស់វៀតណាមបានកើនឡើងជិតទ្វេដងស្មើនឹង៩៨%បើប្រៀបក្នុងរយៈពេល១០ឆ្នាំចាប់ទីឆ្នាំ២០១៣ដល់២០២៣។

អ្នកមានទ្រព្យខ្ទង់លានដុល្លាររបស់វៀតណាមបានកើនដល់ចំនួន ១ម៉ឺន៩ពាន់៤០០នាក់ ក្នុងនោះអ្នកមានទ្រព្យច្រើនជាង១០០លានដុល្លារមាន៥៨នាក់ និងអ្នកមានទ្រព្យខ្ទង់ពាន់លានដុល្លារមាន៦នាក់។

ចំណែកទិន្នន័យផ្លាស់ប្តូរនៅលើសកលលោកក្នុងរយៈពេល១០ឆ្នាំដូចគ្នានេះដែរ ប្រទេសចិនក៏កើនឡើង៩២% និងឥណ្ឌាកើន៨៥%។

សហរដ្ឋអាមេរិកឈរលេខរៀងទី១ដែលមានចំនួនសេដ្ឋីច្រើនជាងគេលើលោករហូតដល់ទៅ៥លាន៤៩ម៉ឺននាក់។

ខាងក្រោមនេះគឺជាតារាងនៃចំនួនសេដ្ឋីក្នុងប្រទេសនីមួយៗនិងកំណើនគិតជាភាគរយក្នុងរយៈពេល១០ឆ្នាំពី២០១៣ដល់២០២៣ ។

ដោយ៖ ភារៈ