សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានចូលទៅអង្គុយផឹកស៉ីនៅក្នុងហាងមួយកន្លែងជិតវត្តជន្លង់ម្លូរ ក្រោយផឹកស៉ីចប់ខណៈម្ចាស់ហាងគិតលុយបែរជាគ្មានលុយឱ្យទេីបឃាត់ខ្លួនប្រគល់ជូនសមត្ថកិច្ចតែម្តង។
ហេតុការណ៍នេះបានកេីតឡេីងកាលពីវេលាម៉ោង៤រសៀល ថ្ងៃទី១៨ ខែកក្កដា ឆ្នាំ២០២៤ នៅហាងផឹកស៉ីយីហោ ម៉ាក់ស្រីនុត ជិតវត្តជន្លង់ម្លូរ ក្នុងភូមិព្រៃល្ងៀង សង្កាត់ភ្លេីងឆេះរទេះ ខណ្ឌកំបូល។
តាមការរៀបរាប់ពីបុរសម្នាក់ឈ្មោះ ម៉េង លី ជាម្ចាស់ហាងខាងលេីបានរៀបរាប់ថា នៅវេលាម៉ោង១០ព្រឹកថ្ងៃខែដដែលគាត់បានឃេីញបុរសម្នាក់ដេីរមកចូលអង្គុយក្នុងក្យូសរបស់គាត់ដោយកុម្ម៉ង់ស្រាបៀរABCមួយយួរនិងម្ហូប៣មុខ ទឹកដោះគោឆៅ២កំប៉ុង ដោយអង្គុយផឹកតែម្នាក់ឯង ។ បន្ទាប់មក ខណៈផឹកអស់បុរសខាងលេីក៏ទៅរករឿងអ្នកអង្គុយផឹកស៉ីនៅក្យូសផ្សេងទៀតដោយចោទថាគេលួចម៉ូតូខ្លួន ពេលនោះម្ចាស់ហាងក៏បានឱ្យបុរសខាងលេីគិតលុយសិនដោយសរុបអស់១៤ម៉ឺនរៀល តែពេលនោះបុរសខាងលេីមិនមានលុយ ហេីយក៏ប្រាប់ឱ្យជូនទៅយកលុយពីថៅកែការាសឡាននៅជិតផ្លូូវរថភ្លេីង។
បុរសខាងលេីបានបន្តទៀតថា ពេលនោះរូបគាត់ក៏ជូនទៅដល់ផ្លូវរថភ្លេីងបែរជាបុរសខាងលេីប្រាប់ថា រូបគេមិនដែលស្គាល់ថៅកែការាសឡាននោះទេ ទេីបរាយការណ៍ទៅសមត្ថកិច្ចឃាត់ខ្លួនតែម្តង។
ក្រោយកេីតហេតុសមត្ថកិច្ចបាននាំបុរសខាងលេីទៅប៉ុស្តិ៍នគរបាលរដ្ឋបាលភ្លេីងឆេះរទេះដេីម្បីដោះស្រាយ៕
ដោយ៖សុខាសែនជ័យ
