សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ៖ បុរសវ័យចំណាស់ម្នាក់រងរបួសធ្ងន់ក្នុងករណីដួលម៉ូតូកាលពីព្រឹកថ្ងៃទី២៤ខែកក្កដាឆ្នាំ២០២៤តាមបណ្ដោយផ្លូវជាតិលេខ៥ ឋិតក្នុងភូមិសុរិយាថ្មីឃុំកូប ស្រុកអូរជ្រៅ។
ជនរងគ្រោះមានឈ្មោះ ហឿន សុខា ភេទប្រុសអាយុ៦៤ឆ្នាំ រស់នៅភូមិក្បាលកោះ សង្កាត់ប៉ោយប៉ែត។
សេចក្ដីរាយការណ៍ពីក្រុមគ្រូរពេទ្យស្រុកអូរជ្រៅបានប្រាប់ថា ជនរងគ្រោះជិះម៉ូតូម៉ាកឌ្រីសង់ពណ៌ខ្មៅស៊េរីឆ្នាំ២០១៥ពាក់ស្លាកលេខបាត់ដំបង1F.7663។
ក្រុមគ្រូពេទ្យបញ្ជាក់ថា ជនរងគ្រោះបានធ្វើដំណើរតាមផ្លូវជាតិលេខ៥មិនដឹងធ្វើដំណើរក្នុងទិសដៅទៅប៉ោយប៉ែតឬ ទៅបន្ទាយមានជ័យនោះទេព្រោះថាសួរពលរដ្ឋនៅកន្លែងកើតហេតុមិនបានដឹងនោះទេ ដោយឃើញដេកដួលនៅកន្លែងកើតហេតុ។សភាពជនរងគ្រោះរងរបួសធ្ងន់ធ្ងរដោយដួលខ្លួនឯងត្រូងផ្នែកក្បាលខាងក្រោយ បន្ទាប់ពីទទួលព័ត៌មានបានក្រុមគ្រូពេទ្យរបស់លោកបានជួយដឹកសង្គ្រោះទៅមន្ទីរពេទ្យកម្ពុជា-ជប៉ុនស្រុកមង្គលបុរី ។ក្នុងនោះជនរងគ្រោះមិនទាន់ឃើញសាច់ញាតិមកជួយមើលថែរក្សាអ្នកជំងឺនៅឡើយ ក្នុងនាមលោកជាក្រុមគ្រូពេទ្យជួយសង្គ្រោះ សូមអំពាវនាវដល់សាច់ញាតិបើបាត់សមាជិកឬ បានឃើញក្នុងរូបភាព សូមមកជួយថែរក្សាជនរងគ្រោះផងព្រោះសភាពជនរងគ្រោះធ្ងន់ធ្ងរផ្នែកខាងក្រោយ។ដោយឡែកម៉ូតូជនរងគ្រោះត្រូវពលរដ្ឋយកមករក្សាទុកផ្ទះពលរដ្ឋនៅទល់មុខកន្លែងកើតហេតុ ៕
ដោយ៖ វណ្ណា
