សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងសមត្ថកិច្ចនៃអធិការដ្ឋានគរបាលខណ្ឌពោធិ៍សែនជ័យសហការជាមួយកម្លាំងគណៈបញ្ជាការឯកភាពសង្កាត់ចោមចៅទី៣ចុះបង្ក្រាបទីតាំងជនសង្ស័យលួចប្រេីប្រាស់គ្រឿងញៀនឃាត់ខ្លួនជនសង្ស័យប្រុសស្រីចំនួន៩នាក់។
ការបង្ក្រាបខាងលេីនេះធ្វេីឡេីងកាលពីវេលាម៉ោង១២និង១០នាទីថ្ងៃត្រង់ ថ្ងៃទី១៥ ខែសីហា ឆ្នាំ២០២៤ នៅភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ។
តាមសមត្ថកិច្ចបានឱ្យដឹងថា មុនឈានទៅដល់ការបង្ក្រាបទីតាំងខាងលេីមានប្រជាពលរដ្ឋរាយការណ៍សម្ងាត់ថា មានជនសង្ស័យមួយក្រុមតែងតែប្រមូលផ្តុំគ្នាលួចប្រេីប្រាស់គ្រឿងញៀនធ្វេីឱ្យពួកគាត់មានការភ័យខ្លាច ។ ក្រោយពីទទួលព័ណ៌មានភ្លាមកម្លាំងអធិការដ្ឋាននគរបាលខណ្ឌពោធិ៍សែនជ័យបានសហការជាមួយកម្លាំងគណៈបញ្ជាការឯកភាពសង្កាត់ចោមចៅទី៣ចុះបង្ក្រាបភ្លាមៗឃាត់ខ្លួនជនសង្ស័យចំនួន៩នាក់ក្នុងនោះស្រី២នាក់ ដកហូតសម្ភារៈប្រេីប្រាស់មួយចំនួន។
បច្ចុប្បន្នជនសង្ស័យត្រូវបានបញ្ជូនទៅអធិការដ្ឋាននគរបាលខណ្ឌពោធិ៍សែនជ័យដេីម្បីចាត់ការតាមច្បាប់៕
ដោយ៖សុខាសែនជ័យ
