សារព័ត៌មាន នគរវត្ត តែងតែនាំមុខគេជានិច្ច
សហជីព Teamsters Canada Rail Conference (TCRC) បានប្រកាសថា ខ្លួននឹងចេញសេចក្តីជូនដំណឹងអំពីកូដកម្មថ្មីមួយក្នុងរយៈពេល 72 ម៉ោងខាងមុខ។
កាលពីថ្ងៃទី 23 ខែសីហា សហជីព Teamsters Canada Rail Conference (TCRC) បានប្រកាសថា ខ្លួននឹងចេញសេចក្តីជូនដំណឹងអំពីកូដកម្មថ្មីមួយក្នុងរយៈពេល 72 ម៉ោងខាងមុខ ដើម្បីប្រឆាំងនឹងកិច្ចខិតខំប្រឹងប្រែងដោះស្រាយរបស់រដ្ឋាភិបាលកាណាដាក្នុងការបញ្ចប់ការរំខាននៃប្រតិបត្តិការរថភ្លើងជាតិ។
សេចក្តីថ្លែងការណ៍នេះកើតឡើងបន្ទាប់ពីរដ្ឋាភិបាលកាណាដាបានធ្វើអន្តរាគមន៍ដោយស្នើឱ្យក្រុមប្រឹក្សាទំនាក់ទំនងឧស្សាហកម្មកាណាដា (CIRB) បញ្ជាឱ្យភាគីនានាចូលទៅក្នុងមជ្ឈត្តកម្មដែលជាប់កាតព្វកិច្ច ហើយត្រឡប់ទៅធ្វើការវិញ។
នៅព្រឹកថ្ងៃទី 22 ខែសីហា ក្រុមហ៊ុនផ្លូវដែកធំជាងគេពីររបស់ប្រទេសកាណាដាគឺ Canadian National (CN) និង Canadian Pacific Kansas City (CPKC) បានហាមប្រាមកម្មកររបស់ពួកគេដែលធ្វើឱ្យជាប់គាំងបណ្តាញដឹកជញ្ជូនរបស់ប្រទេស។ ទន្ទឹមនឹងនេះដែរ កម្មករនៅក្នុងឧស្សាហកម្មនេះក៏បានធ្វើកូដកម្ម និងបានរំខានដល់បណ្តាញដឹកជញ្ជូនផ្លូវដែកនៅក្នុងទីក្រុងធំៗជាច្រើនដូចជា Toronto, Vancouver និង Montreal។
ប៉ុន្តែការរំខានបណ្ដោះអាសន្ននេះត្រូវបានអន្តរាគមន៍ដោយរដ្ឋមន្ត្រីការងារ និងទេសរដ្ឋមន្ត្រី Steven MacKinnon ជាមួយនឹងការដាក់ក្រមការងាររបស់ប្រទេសកាណាដា ដើម្បីធានាបាននូវសន្តិភាពឧស្សាហកម្ម។
ទោះបីជាលោក MacKinnon ដឹងថានៅតែមានការខ្វែងគំនិតគ្នាជាច្រើនរវាងភាគីទាំងពីរ ប៉ុន្តែលោកត្រូវបានបង្ខំឱ្យចាត់វិធានការបែបនេះដើម្បីការពារការយឺតយ៉ាវក្នុងប្រតិបត្តិការផ្លូវដែកដែលនឹងធ្វើឱ្យប៉ះពាល់ដល់សេដ្ឋកិច្ច និងពាណិជ្ជកម្មរបស់ប្រទេសកាណាដា។
ប្រធាន TCRC លោក Francois Laporte បានប្រកាសថា សហជីពកំពុងពិភាក្សាបន្ថែមជាមួយទីប្រឹក្សាច្បាប់ស្តីពីជំហានបន្ទាប់។ គាត់បាននិយាយថា គាត់មានការភ្ញាក់ផ្អើលចំពោះការសម្រេចចិត្តរបស់រដ្ឋមន្ត្រី MacKinnon លើការចងក្រងមជ្ឈត្តកម្ម ហើយថាសេចក្តីសម្រេចរបស់តុលាការកំពូលទាក់ទងនឹងសិទ្ធិធ្វើកូដកម្មនឹងមានលក្ខណៈរដ្ឋធម្មនុញ្ញ៕ ដោយ៖ ធីរីណា
រូបថត៖ TTXVN
