សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនពីរនាក់ផឹកស៊ីស្រវឹងជិះម៉ូតូឌុបគ្នាឆ្លងផ្លូវខ្វះការប្រុងប្រយ័ត្នត្រូវបានម៉ូតូមួយគ្រឿងជិះលឿនបុកបណ្ដាលដួលខ្ទាតជាច្រើនម៉ែត្ររងរបួសធ្ងន់ស្រាលចំនួន៤នាក់ ។
ហេតុការណ៍នេះផងដែរបង្កឲ្យមានការភ្ញាក់ផ្អើលវេលាម៉ោង១រំលងអធ្រាត្រឈានចូលថ្ងៃទី១១ខែកញ្ញាឆ្នាំ២០២៤ស្ថិតនៅតាមបណ្ដោយផ្លូវសហព័ន្ធរុស្ស៊ីត្រង់ចំណុចស្តុបតាកន ភូមិព្រៃជីសាក់សង្កាត់ចោមចៅ៣ ខណ្ឌពោធិ៍សែនជ័យ ។
ប្រភពបានឲ្យដឹងថា មុនពេលកេីតគេឃើញជនរងគ្រោះខាងម៉ូតូហុងដាឌ្រីមសង់ស៊េរីឆ្នាំ២០១៥ពណ៌ខ្មៅពាក់ស្លាកលេខកំពង់ចាម1N-9547ជិះឌុបគ្នាចេញពីកន្លែងផឹកស៊ីជាប់របងព្រលានយន្តហោះអន្តរជាតិភ្នំពេញធ្វើដំណើរឆ្លងផ្លូវពីកេីតទៅលិចបានបន្តិចក៏ត្រូវបានម៉ូតូម៉ាកហុងដាឌ្រីម២០២៤ពណ៌ខ្មៅពាក់ស្លាកលេខភ្នំពេញ1KM-8447 ជិះពីរនាក់ដូចគ្នាក្នុងអត្ថភាពផ្លូវស្របពីត្បូងទៅជើងក្នុងល្បឿនលឿនបុកម៉ូតូឆ្លងផ្លូវពេញទំហឹងបណ្ដាលឲ្យដួលខ្ទាតអូសជាច្រើនម៉ែត្រខាងម៉ូតូឆ្លងរបួសធ្ងន់ម្នាក់ស្រាលម្នាក់ ចំណែកខាងម៉ូតូជិះត្រង់វិញរងរបួសធ្ងន់ទាំងពីរត្រូវពលរដ្ឋលេីកដាក់លេីម៉ូតូកង់បីឥណ្ឌាដឹកយកទៅសង្គ្រោះបន្ទាន់ភ្លាមៗ។ ក្រោយមកជនរងគ្រោះម្នាក់ទៀតដែលសន្លប់ស្ដូកស្ដឹងនោះត្រូវខាងរថយន្ត៧១១កងពលតូចលេខ៧០ដឹកបញ្ជូនយកទៅសង្គ្រោះបន្ទាន់នៅមន្ទីរពេទ្យព្រះកុសុមៈបន្តបន្ទាប់គ្នា ។
ក្រោយពេលកេីតហេតុម៉ូតូគ្រោះថ្នាក់ចរាចរណ៍ទាំងពីរគ្រឿងខាងលេីត្រូវបាននគរបាលមូលដ្ឋានបាញ់ថ្នាំយកទៅរក្សាទុកនៅប៉ុស្តិ៍បណ្ដោះអាសន្នរង់ចាំជំនាញចុះវាស់វែងតាមក្រោយបន្ត ៕
ដោយ៖ រ៉ារ៉ា
