សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ ៖ នាពេលថ្មីៗកន្លងទៅនេះ ក្រសួងពាណិជ្ជកម្មចិនបានចេញផ្សាយ «របាយការន៍ស្តីពីសភាពការណ៍អនុវត្តច្បាប់កំណត់និងកាតព្វកិច្ចនៃអង្គការពាណិជ្ជកម្មពិភពលោក»របស់សហរដ្ឋអាមេរិកច្បាប់ថ្មីបំផុត ដោយលើកឡើងថា ក្នុងរយៈពេលមួយឆ្នាំកន្លងទៅនេះ អាមេរិកបន្តមិនអើពើនឹងក្តីរំពឹងរបស់រដ្ឋសមាជិតផ្សេងទៀត លើកកម្ពស់លំដាប់ថ្នាក់នៃវិធានការដាក់ទណ្ឌកម្មដោយឯកតោភាគីជាបន្តបន្ទាប់ អនុវត្តវិធានការមានលក្ខណៈរើសអើងជាញឹកញាប់ បន្តលើកបន្តុករបាំងពន្ធគយ ដែលបាននាំមកនូវការសាកល្បងយ៉ាងធ្ងន់ធ្ងរដល់ប្រព័ន្ធពាណិជ្ជកម្មពហុភាគី ។ នេះជាការផ្សាយពី គេហទំព័រ «CCFR China state-controlled media » នៅថ្ងៃទី១៥ ខែកញ្ញា ឆ្នាំ២០២៤ ។
គេហទំព័រ «CCFR China state-controlled media » បានលើកថា ៖ អនុលោមតាម «របាយការណ៍»នេះ បណ្តាញទូរទស្សន៍សកលចិន ហៅកាត់ CGTN របស់អគ្គស្ថានីយវិទ្យុនិងទូរទស្សន៍មជ្ឈិមចិនបានធ្វើការស្ទង់មតិចំពោះអ្នកប្រើអ៊ីនធឺណែតនៅទូទាំងពិភពលោក អ្នកផ្តល់បទសម្ភាសន៍ចំនួន៩០,៥៣ភាគរយបានថ្កោលទោសរដ្ឋាភិបាលអាមេរិកដែលបានអនុវត្តវិធានការឯកតោភាគីនិងការពារពាណិជ្ជកម្មមួយចំនួន ដោយសម្គាល់ឃើញថា ប្រការនេះបានជាន់ឈ្លីយ៉ាងធ្ងន់ធ្ងរលើច្បាប់កំណត់នៃអង្គការពាណិជ្ជកម្មពិភពលោក ។
ក្នុងការស្ទង់មតិ អ្នកផ្តល់បទសម្ភាសន៍ចំនួន៩៤,៣១ភាគរយថ្កោលទោសអាមេរិកដែលគ្មានការគោរពចំពោះច្បាប់កំណត់នៃអង្គការពាណិជ្ជកម្មពិភពលោក ដែលបានបង្ហាញឱ្យឃើញនូងមុខមាត់អនុត្តរភាពរបស់ខ្លួន អ្នកផ្តល់បទសម្ភាសន៍ចំនួន៩៤,១២ភាគរយសម្គាល់ឃើញថា ទង្វើរបស់អាមេរិកបែបនេះ គឺតម្កល់ទុកផលប្រយោជន៍ផ្ទាល់ខ្លួនលើអង្គការពាណិជ្ជកម្មពិភពលោក មិនអើពើរហូតដល់បំផ្លាញដល់យន្តការដោះស្រាយវិវាទរបស់អង្គការពាណិជ្ជកម្មពិភពលោក ដែលបានរារាំងយ៉ាងធ្ងន់ធ្ងរដល់ការដំណើរការជាប្រក្រតីរបស់អង្គការពាណិជ្ជកម្មពិភពលោក អ្នកផ្តល់បទសម្ភាសន៍ចំនួន៨៧,២ភាគរយរិះគន់អាមេរិកដែលបានអនុវត្តគោលនយោបាយឧបត្ថម្ភកធនមិនសមហេតុផលក្នុងរយៈពេលយូរ ដែលបានល្មើសយ៉ាងធ្ងន់ធ្ងរនូវគោលការណ៍ស្តីពីការប្រកួតប្រជែងដោយយុត្តិធម៌៕
ដោយ ៖ សិលា
