សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់ ៖ មុននេះបន្ដិចមានករណីគ្រោះថ្នាក់ចរាចរណ៍មួយបានកើតឡើង បណ្ដាលឲ្យបុរសម្នាក់រងរបួសយ៉ាងធ្ងន់ធ្ងរ ខណៈគេសង្ស័យអាចងងឹតមុខដួលដោយខ្លួនឯង ឬទាក់ដៃចង្កូតគ្នាក៏ថាបាន ព្រោះនៅម្ដុំនោះពុំមានផ្ទះប្រជាពលរដ្ឋនៅក្បែរទេ ប៉ុន្តែមានម៉ូតូដួលអូសលើថ្នល់ ចំណែកអ្នកបើកបរម៉ូតូសន្លប់ស្ដូកស្ដឹងនៅចិញ្ចើមផ្លូវ ។
ហេតុការណ៍គ្រោះថ្នាក់ចរាចរណ៍បណ្ដាលឲ្យបុរសម្នាក់រងរបួសយ៉ាងធ្ងន់ធ្ងរខាងលើ បានកើតឡើងវេលាប្រហែល៦និង៥៦នាទី នាព្រឹកថ្ងៃចន្ទ ១៣រោច ខែភទ្របទ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៣០ ខែកញ្ញា ឆ្នាំ២០២៤ នៅលើកំណាត់ផ្លូវជាតិលេខ៥ ស្ថិតនៅភូមិតាកែវក្រោម ឃុំបឹងកន្ទួត ស្រុកក្រគរ ខេត្តពោធិ៍សាត់ ។
ប្រភពព័ត៌មាននានាជុំវិញកន្លែងកើតហេតុ គេសង្ស័យអាចបណ្ដាលមកពីគាត់ងងឹតមុខឬទាក់ដៃចង្កូតម៉ូតូគ្នា ជនរងរបួសត្រូវបានអ្នកធ្វើដំណើរជួយសម្រួល(ចលនា)ចំណែកម៉ូតូនៅលើផ្លូវ។ ជនរងរបួសគេពុំទាន់ស្គាល់អតសញ្ញាណនៅឡើយទេ ខណៈសមត្ថកិច្ចបានទទួលព័ត៌មាន និងកំពុងចេញដំណើរមកជួយសង្រ្គោះ រង់ចាំព័ត៌មានលម្អិតនឹងផ្សាយជូនពេលក្រោយ ៕
ដោយ៖ ប៉ឹម ពិន
