សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន១០នាក់ក្នុងនោះស្រីម្នាក់ត្រូវបានកម្លាំងមន្ទីរប្រឆាំងគ្រឿងញៀនសហការជាមួយកម្លាំងនគរបាលខណ្ឌពោធិ៍សែនជ័យចុះរដ្ឋបាលបង្ក្រាបឃាត់ខ្លួនពាក់ព័ន្ធការប្រេីប្រាស់គ្រឿងញៀននាំយកទៅចាត់ការតាមនីតិវិធី។
ប្រតិបត្តិការខាងលេីនេះបានធ្វេីឡេីងកាលពីព្រឹកថ្ងៃទី៣០ ខែតុលា ឆ្នាំ២០២៤ នៅក្រោយសាលាបឋមសិក្សា ហ៊ុន សែនជម្ពូវ័ន ភូមិជម្ពូវ័ន១ សង្កាត់ចោមចៅទី៣ ខណ្ឌពោធិ៍សែនជ័យ។
សមត្ថកិច្ចបានឱ្យដឹងថា ក្រោយពីទទួលបានព័ត៌មានពីប្រជាពលរដ្ឋសម្ងាត់ថា ទីតាំងខាងលេីមានការជួញដូរនិងប្រេីប្រាស់ថ្នាំញៀន ទេីបកម្លាំងមន្ទីរប្រឆាំងគ្រឿងញៀនបានសហការជាមួយកម្លាំងនគរបាលខណ្ឌពោធិ៍សែនជ័យចុះរដ្ឋបាលបង្ក្រាបភ្លាមៗ។ ក្នុងរង្វង់ប្រតិបត្តិការខាងលេីនេះផងដែរកម្លាំងសមត្ថកិច្ចឃាត់ខ្លួនជនសង្ស័យចំនួន១០នាក់ ស្រីម្នាក់ រួមទាំងសម្ភារៈប្រេីប្រាស់ថ្នាំញៀនមួយចំនួន។
បច្ចុប្បន្នជនសង្ស័យត្រូវបាននាំខ្លួនមកប៉ុស្តិ៍នគរបាលរដ្ឋបាលចោមចៅទី៣ដេីម្បីចាត់ការតាមនីតិវិធី៕
ដោយ៖ សុខាសែនជ័យ
