សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបង្ហាញពីទិដ្ឋភាពទូទៅក្នុងថ្ងៃទីមួយ នៃព្រះរាជពិធីបុណ្យអុំទូក បណ្ដែតប្រទីប និង សំពះព្រះខែអកអំបុក ដែលមាន លោកតាលោកយាយ អ៊ំពូមីង បងប្អូន មកពីតាមបណ្ដាខេត្ត រួមទាំងភ្ញៀវទេសចរបរទេស អញ្ជើញទស្សនាការប្រណាំងទូកង និងស្តង់ពិព័រណ៌ផ្សេងៗជាច្រើន នារសៀលថ្ងៃព្រហស្បតិ៍ ទី១៤ វិច្ឆិកា ២០២៤។
ក្នុងឱកាសនៃព្រះរាជពិធីបុណ្យអុំទូក បណ្ដែតប្រទីប និង សំពះព្រះខែ អកអំបុក ឆ្នាំ២០២៤ នេះ មានទូកចូលរួមប្រកួតសរុបចំនួន ៣៤៦ ទូក ក្នុងនោះមានជាប្រភេទទូកអុំ ទូកចែវ និងទូកខ្នាតអន្តរជាតិ។ នាពេលល្ងាច មានការបណ្តែតប្រទីបរបស់បណ្តាក្រសួង-ស្ថាប័នសរុបចំនួន ៣៦ ប្រទីប ជាមួយការអុជកាំជ្រួច យ៉ាងស្រស់ស្អាត ៕
ដោយ៖ តារា
