សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ ស្នងការដ្ឋាននគរបាលខេត្តពោធិ៍សាត់ នៅល្ងាចថ្ងៃព្រហស្បតិ៍ទី១៤ ខែវិច្ឆិកា ឆ្នាំ២០២៤នេះ បានឱ្យដឹងថា កម្លាំងប៉ុស្តិ៍នគរបាលរដ្ឋបាលអូរសោម សហការជាមួយកម្លាំងអធិការដ្ឋាននគរបាលស្រុកវាលវែង កាលពីល្ងាចថ្ងៃទី១៣ ខែវិច្ឆិកាម្សិលមិញនេះ បានចុះបង្រ្កាបករណី ប្រើប្រាស់ រក្សាទុក និងជួញដូរដោយខុសច្បាប់នូវសារធាតុញៀន នៅចំណុចព្រៃសហគមន៍ ស្ថិតក្នុងភូមិឆាយលូក ឃុំអូរសោម ស្រុកវាលវែង។
ឃាត់ខ្លួនជនសង្ស័យម្នាក់មាន ៖
១-ឈ្មោះ សាំង ម៉ៅ ភេទប្រុស អាយុ ៣៧ ឆ្នាំ ស្នាក់នៅភូមិឆាយលូក ឃុំអូរសោម ស្រុកវាលវែង។
វត្ថុតាងរួមមាន ៖
១-ម្សៅក្រាមសថ្លាសង្ស័យសារធាតុញៀន ០១ កញ្ចប់ មានទម្ងន់សាច់ថ្នាំសុទ្ធ ១.១៨ ក្រាម
២-ទូរស័ព្ទដៃ ០១ គ្រឿងម៉ាក OPPO ពណ៌ ខ្មៅ ។
បច្ចុប្បន្នជនសង្ស័យរួមទាំងវត្ថុតាងត្រូវបានឃាត់ខ្លួននៅអធិការដ្ឋាននគរបាលស្រុកដើម្បីបន្តនីតិវិធី៕
ដោយ៖ អរុណរះ
