សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់ ៖ សពលោកតាម្នាក់ត្រូវបានអ្នកភូមិរាវរក និងស្រង់ពីបាតដី បន្ទាប់ជួបគ្រោះថ្នាក់ចរាចរណ៍រវាងអ្នកបើកបរកាណូត និងកាណូត ខណៈសមត្ថកិច្ចកំពុងស្រាវជ្រាវរកជនបង្ក ។
ហេតុការណ៍គ្រោះថ្នាក់ចរាចរណ៍ផ្លូវទឹកបណ្ដាលឲ្យមានមនុស្សស្លាប់ខាងលើ នាព្រឹកព្រលឹម ថ្ងៃពុធ ៣រោច ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៨ ខែធ្នូ ឆ្នាំ២០២៤ ស្ថិតនៅភូមិព្រែក ឃុំរាំងទិល ស្រុកកណ្ដៀង ខេត្តពោធិ៍សាត់ ។
អាជ្ញាធរមានសមត្ថកិច្ចឃុំរាំងទិលបានឲ្យដឹងថា ជនរងគ្រោះ(ស្លាប់)ត្រូវបានស្គាល់ឈ្មោះ គិត ញៀន ភេទប្រុស អាយុ ៧៤ឆ្នាំ ជនជាតិខ្មែរ បច្ចុប្បន្ន រស់នៅភូមិ.ឃុំកើតហេតុ ។
ដោយឡែកៈ ជនបង្ករហូតដល់ម៉ោង២ និង៤៦នាទីរសៀលថ្ងៃដដែលនេះ សមត្ថកិច្ចពុំទាន់រកឃើញនៅឡើយទេ នេះបើតាមការបញ្ជាក់ពីលោក អធិការនៃអធិការដ្ឋាននគរបាលស្រុកកណ្ដៀង តាមទូរស័ព្ទ ៕
ដោយ៖ ប៉ឹម ពិន
