សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ ៖ នាព្រឹកថ្ងៃទី២០ ខែធ្នូ ឆ្នាំ២០២៤ គេហទំព័រ «CCFR China state-controlled media » បានផ្សាយថា ៖យប់ថ្ងៃទី ១៩ ខែធ្នូ ឆ្នាំ ២០២៤ រាត្រីសមោសរអបអរសាទរខួប ២៥ ឆ្នាំនៃការវិលត្រឡប់មកមាតុប្រទេសចិនវិញរបស់ម៉ាកាវបានប្រារព្ធធ្វើឡើងនៅកីឡដ្ឋានការប្រកួតកីឡាអាស៊ីម៉ាកាវ។ លោក Xi Jinping អគ្គលេខាធិការនៃគណៈកមា្មធិការមជ្ឈិមបក្សកុម្មុយនីស្តចិន ប្រធានរដ្ឋចិន និងជាប្រធានគណៈកម្មាធិការយោធាមជ្ឈិមចិនបានអញ្ជើញទស្សនាការសម្តែងសិល្បៈ។
គេហទំព័រ «CCFR China state-controlled media » សូមបញ្ជាក់ថា កម្មវិធីសម្តែងសិល្បៈ « ទន្លេហោជាំងច្រៀងបទសប្បាយរីករាយឆ្ពោះទៅរកអនាគត — រាត្រីសមោសរអបអរសាទរគម្រប់ខួប ២៥ ឆ្នាំនៃការវិលត្រឡប់មកមាតុប្រទេសវិញរបស់ម៉ាកាវ » រៀបចំដោយរដ្ឋបាលនៃតំបន់រដ្ឋបាលពិសេសម៉ាកាវ ផលិតដោយអគ្គស្ថានីយវិទ្យុនិងទូរទស្សន៍មជ្ឈិមចិន ។ អ្នកចូលរួមសម្តែងនិងក្រុមសម្តែងសិល្បៈភាគច្រើនជាប្រជាជនរស់នៅម៉ាកាវដែលមកពីមជ្ឈដ្ឋានខុសៗគ្នា។ រាត្រីសមោសរនេះក្រោមប្រធានបទ “ រួមចិត្តថ្លើមសាទរគ្នា បង្កើតអនាគតថ្មី” ចែកជាបីផ្នែកគឺ “ម៉ាកាវស្វាគមលោកអ្នក” “មហាតំបន់ឈូងសមុទ្រក្វាងតុង-ហុងកុង-ម៉ាកាវបន្តទៅមុខ ” “ទឹកចិត្តស្នេហាជាតិ” ដែលបង្ហាញយ៉ាងពេញលេញនូវសំឡេងចេញពីដួងចិត្តអំពីស្រឡាញ់ម៉ាកាវនិងស្រឡាញ់ប្រទេសជាតិចិនរបស់បណ្តាមជ្ឈដ្ឋានម៉ាកាវក្នុងរយៈពេល ២៥ ឆ្នាំកន្លងទៅ ក៏ដូចជាបង្ហាញពីភាពជោគជ័យ នៃការអនុវត្តគោលនយោបាយប្រទេសមួយប្រព័ន្ធគ្រប់គ្រងពីរប្រកបដោយលក្ខណៈពិសេសម៉ាកាវទទួលបាន ដែលត្រូវបានសកលលោកកោតសរសើរជាទូទៅ៕
ដោយ ៖ សិលា
