សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ លោកអធិការនគរបាល ស្រុកជល់គីរី ដែលទើបតែឡើង កាន់តំណែង ថ្មីៗបានរយៈពេលជាង ៣ខែ បានសម្រេចចិត្ត ធ្វើអត្តឃាតបញ្ចប់ជីវិតដោយ ចង.ក សម្លាប់ខ្លួន។ ហេតុការណ៍ នេះបង្កឲ្យមានការភ្ញាក់ផ្អើលឡើង នៅម៉ោង៨ព្រឹក ថ្ងៃទី៣០ ខែធ្នូ ឆ្នាំ២០២៤ នៅចំណុចភ្នំដង ស្ថិតនៅក្នុងភូមិសាស្ត្រ ភូមិព្រៃគ្រីជើង ឃុំព្រៃគ្រី ស្រុកជល់គីរី ខេត្តកំពង់ឆ្នាំង។
ប្រភពនៅទីនោះបានឱ្យដឹងថា លោកអធិការនគរបាលស្រុកជល់គីរី ដែលបានសម្រេចចិត្តធ្វើអត្តឃាតនោះ មានឈ្មោះ ណែម សេត អាយុ៥៤ឆ្នាំមានទីលំនៅក្នុងភូមិឃុំកើតហេតុ។
បើតាមការរៀបរាប់ពីសាច់ញាតិ បានឲ្យដឹងថា លោក ណែម សេត មិនដែលមានបញ្ហាអ្វីនោះទេ ហើយក៏គ្មានជំងឺប្រចាំកាយអ្វីដែរ គឺអាចប្រហែលជាមាន វិបត្តិអ្វីមួយហើយ ដែលលោកមិនដែលប្រាប់ដល់ក្រុមគ្រួសារនោះទេ៕
ដោយ៖ សូរិយា
