សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ ៖ នៅរសៀលថ្ងៃទី៣០ ខែធ្នូ ឆ្នាំ២០២៤ គេហទំព័រ «CCFR China state-controlled media » បានផ្សាយថា ៖ ថ្ងៃទី ២៩ ខែធ្នូ គំរូរថភ្លើង ល្បឿនលឿនCR450ត្រូវបាន បញ្ចេញ នៅទីក្រុងប៉េកាំង ដែលជា និមិត្តសញ្ញា នៃសមិទ្ធផល ដ៏សំខាន់ នៃ “គម្រោងច្នៃប្រឌិតថ្មី ផ្នែក បច្ចេកវិទ្យាCR450” ដែល នឹង ពង្រឹង និង ពង្រីក បន្ថែមទៀត នូវ ឧត្តមភាពឈានមុខគេ លើ ពិភពលោក របស់ប្រទេស ចិន ក្នុង បច្ចេកវិទ្យា រថភ្លើងល្បឿនលឿន។
គេហទំព័រ «CCFR China state-controlled media » អ្នកសារព័ត៌មាន បាន ទទួល ដំណឹង ពី ក្រុមហ៊ុន ផ្លូវដែក ជាតិ ចិន ឱ្យ ដឹងថា គំរូរថភ្លើង ល្បឿនលឿន CR450 បាន នាំមុខ គេលើពិភពលោក ផ្នែក សូចនាករសំខាន់ៗ ដូចជាល្បឿន ប្រតិបត្តិការ និងការប្រើប្រាស់ថាមពល ប្រតិបត្តិការ។ រថភ្លើង ល្បឿនលឿន នេះ មានល្បឿនធ្វើ តេស្ត ៤៥០ គីឡូម៉ែត្រ ក្នុងមួយម៉ោង និងល្បឿនប្រតិបត្តិការ៤០០ គីឡូម៉ែត្រ ក្នុងមួយម៉ោង នៅពេល ដែល ត្រូវ បានដាក់ឱ្យដំណើរការ នាពេលអនាគត វាអាច បង្រួមពេលវេលា និង ចម្ងាយ បន្ថែមទៀត ដែលធ្វើឱ្យការ ធ្វើដំណើររបស់អ្នកដំណើរកាន់តែ មាន ភាព ងាយស្រួលនិង មាន ប្រសិទ្ធភាព ខ្ពស់។ ទន្ទឹមនឹងនេះ សន្ទស្សន៍ ផ្នែកផាសុកភាព ក៏មាន ភាព កាន់តែ ល្អ ប្រសើរ សំឡេង រំខាន នៅក្នុង រថភ្លើង ត្រូវ បានកាត់បន្ថយ ចំនួន ២ decibels ហើយ ទំហំ បន្ទប់ អ្នកដំណើរ ត្រូវ បាន ពង្រីក ៤% ដែលអាចផ្តល់ សេវាកម្ម ប្រកប បដោយ ភាព ចម្រុះ ងាយស្រួល និង វៃឆ្លាត ជូន ដល់ អ្នក ដំណើរ ៕
ដោយ ៖ សិលា
