សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យោងតាមរបាយការណ៍របស់ស្នងការដ្ឋាននគរបាលរាជធានីភ្នំពេញ នៅព្រឹកថ្ងៃទី៣១ ខែធ្នូ ឆ្នាំ២០២៤នេះ បានឱ្យដឹងថា កម្លាំងនគរបាលខណ្ឌពោធិ៍សែនជ័យ កាលពីយប់ថ្ងៃទី៣០ ខែធ្នូ ឆ្នាំ២០២៤ បានចុះបង្ក្រាបក្រុមទំនើង៣នាក់ ដែលបានវាយសន្តិសុខម្នាក់បណ្តាលឲ្យរងរបួសនៅចំណុចមុខក្លឹបមីតណាយ ភូមិត្រពាំងថ្លឹង៣ សង្កាត់ចោមចៅទី១។
ជនសង្ស័យទាំង៣នាក់ ដែលត្រូវសមត្ថកិច្ចឃាត់ខ្លួននពរួមមាន៖ ទី១៖ ឈ្មោះ ឌុន ឌី អាយុ២៥ឆ្នាំ មុខរបរជាងដែក ,ទី២៖ ឈ្មោះ ងន់ សំណាង អាយុ២៤ឆ្នាំ មុខរបរជាងដែក និងទី៣៖ ឈ្មោះ សុន សុធួន អាយុ២៣ឆ្នាំ មុខរបរជាងដែក។
ដោយជនរងគ្រោះមានឈ្មោះ សាន ស៊ីឌែន អាយុ៣១ឆ្នាំ មុខរបរសន្ដិសុខ បានរបួសបែកក្បាល។ ក្រោយចាប់ខ្លួន កម្លាំងនគរបាលបានដកហូត ដងបាញ់កាវកញ្ចក់, ម៉ូតូ០១គ្រឿងម៉ាក Honda Dream ពណ៌ខ្មៅ ឆ្នាំ២០២២ ស្លាកលេខត្បូងឃ្មុំ 1L-0165។
គួរបញ្ជាក់ថា ក្រុមក្មេងទំនើងទាំង ៣នាក់ខាងលើនេះ គឺដោយសារតែធ្លាប់ត្រូវគេវាយ ទេីបពួកខ្លួនក៏ត្រឡប់មកវាយសងសឹកវិញ៕
ដោយ៖ តារា
