សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បើករថយន្ដTucson មួយគ្រឿងបុកស្រ្ដីម្នាក់បណ្ដាលបាក់ជើង ខណះពេលដែលជិះម៉ូតូបត់ឆ្លងផ្លូវចូលក្នុងបូរីបុកម៉ូតូអូសជាង៥ម៉ែត្រ ហេតុការណ៍គ្រោះថ្នាក់ចរាចរណ៍នេះបង្កកាលភ្ញាក់ផ្អើលកាលពីវេលាម៉ោង ០៨ និង៤០នាទីព្រឹក នៅថ្ងៃទី០៣ ខែមករា ឆ្នាំ២០២៥ ស្ថិតតាមបណ្ដោយផ្លូវ ម៉ុងឫទ្ធី ត្រង់ចំណុចមុខបូរីដឹស្ដាខ្វតធឺវៀ ក្នុងសង្កាត់ភ្នំពេញថ្មី ខណ្ឌសែនសុខ ។
បើយោងតាមប្រភពព័ត៌មានពីកន្លែងកើតហេតុបានប្រាប់អោយដឹងថាមុនពេលកើតហេតុមាន គេឃើញមានរថយន្ដមួយគ្រឿងម៉ាក Tucson ពណ៌ទឹកមាស ពាក់ផ្លាកលេខភ្នំពេញ 2 AJ- 9086 បើកបរដោយបុរសម្នាក់ជាជនជាតិខ្មែរ ធ្វើដំណើរតាមបណ្ដោយផ្លូវម៉ុងប្ញទ្ធី ទិសដៅពីកើតមកលិចក្នុងល្បឿនលឿន ស្របពេលដែលជិតដល់ចំណុចកើតហេតុ ស្រាប់មានស្រ្ដីម្នាក់ជិះម៉ូតូម៉ាកហុងដាសង់ឌ្រីមស៊េរី២០២២ ពណ៌ខ្មៅ ពាក់ផ្លាកលេខភ្នំពេញ 1JU -7507 ធ្វើតាមបណ្ដោយផ្លូវម៉ុងប្ញរ្ធី ទិសដៅពីលិចមកកើត គោលបំណងបត់ឆ្លងផ្លូវចូលក្នុងបូរីបានពាក់កណ្ដាលផ្លូវ ក៏ត្រូវរថយន្ដខាងលើបុកចំពាក់កណ្ដាលម៉ូតូកិនអូសជាង៥ម៉ែត្រ បណ្ដាលអោយស្រ្ដីខាងលើ រងរបួសបាក់ជើងខាងស្ដាំម្ខាង ភ្លាមនោះប្រជាពលរដ្ឋក៏បានទាក់ទងទៅរថយន្ដសង្គ្រោះបន្ទាន់ ដឹកទៅសង្គ្រោះនៅឯមន្ទីពេទ្យភ្លាមៗផងដែរ ។
បន្ទាប់មកសមត្ថកិច្ចមូលដ្ឋានក៏បានទាក់ទង់ខាងសមត្ថកិច្ចជំនាញចរាចរណ៍ជើងគោកដើម្បីធ្វើការវាសវែង យករថយន្ដនិងម៉ូតូជនរងគ្រោះទៅរក្សាទុកនៅអធិការដ្ឋានខណ្ឌសែនសុខជា ជាបណ្ដោះអាសន្នរងចាំដោះស្រាយគ្នានៅពេលក្រោយ ៕
ដោយ ៖ ភារ៉ា ដង្កោ
