សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តmazda បេីកដោយបុរសម្នាក់សង្ស័យស្រវឹងស្រាបានជ្រុលទៅបុកម៉ូតូpcxដែលជិះដោយបុរសម្នាក់នៅផ្លូវបំបែកជាបួន បណ្តាលឱ្យខ្ទាតអូសម៉ូតូជាង៣០ម៉ែត្រ រងរបួសធ្ងន់បុរសម្នាក់ ។
ហេតុការណ៍នេះបានកេីតឡើងនៅវេលាម៉ោង៩និង៣០នាទីយប់ ថ្ងៃទី៧ខែមករាឆ្នាំ២០២៥ត្រង់ចំណុចផ្លូវ១៩៣កែងផ្លូវ៣៧៤ សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មានពីកន្លែងកើតហេតុ បានអោយដឹងថា មុនពេលកេីតហេតុគេបានឃើញបុរសម្នាក់បានជិះម៉ូតូម៉ាក PCX ពណ៌ខ្មៅ ពាក់ស្លាកលេខ ភ្នំពេញ 1CB-3457 ធ្វើដំណើរតាមបណ្ដោយផ្លូវ១៩៣ក្នុងទិសដៅពីកេីតទៅលិច លុះមកដល់ចំនុចកេីតហេតុដែលជាផ្លូវបំបែកជាបួន ក៍ស្រាប់តែមានបុរសម្នាក់សង្ស័យស្រវឹងបានបេីករថយន្តម៉ាក mazda BT50ពណ៌ស ពាក់ស្លាកលេខ ភ្នំពេញ 2BG-4355 បេីកបោះពួយតាមបណ្ដោយផ្លូវ៣៧៤ក្នុងទិសដៅពីជើងទៅត្បូងដោយល្បឿនលឿន ហើយខ្វះការប្រុងប្រយ័ត្នក៍ជ្រុលទៅបុកម៉ូតូPCX យ៉ាងពេញទំហឹងបណ្តាលឱ្យម៉ូតូដួលអូសទាំងមនុស្សប្រហែលជាង៣០ម៉ែត្រ រងការខូចខាតយ៉ាងដំណំ ព្រមទាំងធ្វើអោយមនុស្សរងរបួសបាក់កជើងខាងស្ដាំចេញឆ្អឹង ត្រូវបានសមត្ថកិច្ចហៅរថយន្តសាមុយរបស់មន្ទីរពេទ្យ ព្រះអង្គឌួងមកដឹកយកទៅសង្គ្រោះផងដែរ ។
ដោយឡែកខាងរថយន្តវិញរងការខូចខាតខ្ទេចផែ្នកខាងមុខ អ្នកបេីកបរអត់មានរងរបួសគ្រាន់តែធំក្លិនស្រា ត្រូវបានសមត្ថកិច្ចឃាត់ខ្លួនយកទៅប្រគល់ឲ្យផ្នែកជំនាញនៃអធិការដ្ឋាននគរបាលខណ្ឌបឹងកេងកង ។
ក្រោយពេលកេីតហេតុ ដោយសារមិនមានដំណោះស្រាយ មធ្យោបាយទាំងអស់រួមទាំងអ្នកបេីកបរត្រូវសមត្ថកិច្ចមូលដ្ឋាន ប្រគល់អោយផ្នែកជំនាញចរាចរណ៍ក្រុងភ្នំពេញវាស់វែងយកទៅរក្សាទុកនៅការិយាល័យនគរបាលចរាចរណ៍ផ្លូវគោកដេីម្បីរង់ចាំដំណោះស្រាយ៕
ដោយ៖ សុខាសែនជ័យ
