សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ដេីម្បីរក្សាបាននូវសុវត្តិភាពដល់បងប្អូនប្រជាពលរដ្ឋក៏ដូចជាបង្ក្រាបក្រុមក្មេងទំនេីង អ្នកប្រើប្រាស់និងជូញដូរគ្រឿងញៀន នៅព្រឹកថ្ងៃទី៨ ខែមករា ឆ្នាំ២០២៥ កម្លាំងសមត្ថកិច្ចបានចុះធ្វើរដ្ឋបាលក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ ឃាត់ខ្លួនជនសង្ស័យប្រុសស្រី៣នាក់ និងដកហូតថ្នាំញៀនមួយចំនួន។
ជនសង្ស័យទី១-ឈ្មោះកែវ សុវណ្ណស្រីពេជ្រ ភេទស្រី អាយុ១៣ឆ្នាំ ស្នាក់នៅបន្ទប់ជួល ភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ, ទី២-ឈ្មោះសឹង្ហ ឌី ភេទប្រុស អាយុ២៨ឆ្នាំ ស្នាក់នៅបន្ទប់ជួលក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ មានស្រុកកំណេីតនៅខេត្តព្រៃវែង។ ចំណែកម្នាក់ទៀតមិនទាន់ស្គាល់អត្តសញ្ញាណនៅឡេីយទេ។
តាមសមត្ថកិច្ចបានឱ្យដឹងថា ដេីម្បីរក្សាសុខសុវត្តិភាពជូនបងប្អូនប្រជាពលរដ្ឋក្នុងមូលដ្ឋាន ទប់ស្កាត់បទល្មេីសលួចឆក់ ប្លន់ ក៏ដូចជាបង្ក្រាបក្រុមក្មេងទំនេីង អ្នកប្រេីប្រាស់និងជូញដូរគ្រឿងញៀន ទេីបនៅព្រឹកថ្ងៃទី៨ ខែមករាឆ្នាំ២០២៥នេះ កម្លាំងសមត្ថកិច្ចសហការជាមួយកម្លាំងប្រជាការពារសង្កាត់ មេភូមិ ដឹកនាំដោយលោក ថេង កុសល នាយប៉ុស្តិ៍នគរបាលចោមចៅទី៣ បានចុះធ្វើរដ្ឋបាលតាមបន្ទប់ជួលឆែកឆេររកឃេីញថ្នាំញៀនចំនួន២កញ្ចប់តូច និងឃាត់ខ្លួនជនសង្ស័យចំនួន៣នាក់ក្នុងនោះមានស្រី២នាក់ ម៉ូតូធុនធំមួយគ្រឿង។
ក្រោយឃាត់ខ្លួន ជនសង្ស័យត្រូវបានបញ្ជូនទៅផ្នែកគ្រឿងញៀននៃអធិការដ្ឋាននគរបាលខណ្ឌពោធិ៍សែនជ័យដេីម្បីចាត់ការតាមច្បាប់៕
ដោយ៖សុខាសែនជ័យ
