សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសជនជាតិចិនម្នាក់បានបេីករថយន្តយ៉ាងលឿនជ្រុលទៅបុកក្បាលថ្មពុះចែកទ្រូងផ្លូវពេញទំហឹងបណ្តាលឱ្យរថយន្តរងការខូចខាតយ៉ាងដំណំ ។
ហេតុការណ៍នេះបានកេីតឡេីងនៅម៉ោង៤និង៣០នាទីទៀបភ្លឺថ្ងៃទី១៥ ខែមករា ឆ្នាំ២០២៥ នៅចំណុចភ្លើងស្តុបបឹងកេងកង ផ្លូវព្រះមុនីវង្សកែងផ្លូវ៣១០ សង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មាននៅកន្លែងកើតហេតុបានឱ្យដឹងថា មុនពេលកេីតហេតុគេបានឃើញបុរសជនជាតិចិនម្នាក់បានបេីករថយន្តម៉ាក PORSCHE ពាក់ស្លាកលេខ ភ្នំពេញ 2AW-5557 បានធ្វើដំណើរតាមបណ្ដោយផ្លូវព្រះមុនីវង្សក្នុងទិសដៅពី ជើងទៅត្បូងដោយល្បឿនលឿន ខណៈមកដល់ចំណុចកេីតហេតុ បានជ្រុលចង្កូតទៅបុកក្បាលនាគថ្មពុះចែកទ្រូងផ្លូវយ៉ាងពេញទំហឹងបណ្តាលឱ្យរថយន្តរួញមួយកំណាត់មុខ តែសំណាងល្អមិនគ្រោះថ្នាក់ដល់មនុស្ស ហេីយភ្លាមៗនោះអ្នកបេីកបរបានចុះគេចខ្លួនទៅបាត់តែម្តង ។
បន្ទាប់ពីកេីតហេតុសមត្ថកិច្ចមូលដ្ឋានបានចុះមកដល់ទំនាក់ទំនងទៅសមត្ថកិច្ចជំនាញចរាចរណ៍មកស្ទូចយកទៅរក្សាទុកនៅការិយាល័យនគរបាលចរាចរណ៍ផ្លូវគោកដេីម្បីរង់ចាំដំណោះស្រាយគ្នានៅពេលក្រោយ ៕
ដោយ៖ ជ្រោយពេជ្រ
