🔥អគ្គិភ័យឆេះឡថ្នាំ នៅស្រុកស្ទឹងត្រង់ សមត្ថកិច្ចអន្តរាគមន៍ គ្រប់គ្រងស្ថានភាពបាន

ខេត្តកំពង់ចាម៖ កម្លាំងសមត្ថកិច្ចនគរបាលនៃស្នងការដ្ឋាននគរបាលខេត្តកំពង់ចាម នៅយប់ថ្ងៃទី៦ ខែកុម្ភ: ឆ្នាំ២០២៥ បានចុះអន្តរាគមន៍ពន្លត់ករណីអគ្គិភ័យឆេះឡថ្នាំ នៅភូមិខ្ពបតាងួន ឃុំខ្ពបតាងួន ស្រុកស្ទឹងត្រង់ ។

មន្ត្រីនគរបាលបានឲ្យដឹងថា នៅវេលាម៉ោង៨:០០នាទីយប់ ថ្ងៃទី៦ ខែកុម្ភៈ ឆ្នាំ២០២៥នេះ មានករណីឆេះឡថ្នាំ នៅភូមិខ្ពបតាងួន ឃុំខ្ពបងួន ស្រុកស្ទឹងត្រង់ ដែលមានចម្ងាយពីអធិការដ្ឋាន ២៧គីឡូម៉ែត្រ ។

ខណ:នោះ កម្លាំងប៉ុស្ដិ៍នគរបាលរដ្ឋបាលបានជួយពន្លត់បឋម  ដោយឡែករថយន្តអគ្គិភ័យកំពុងចេញទៅដើម្បីអន្តរាគមន៍ ។

តែករណីនេះ មិនមានការរាលដាលទេ  ដោយសារ ឡថ្នាំនៅឆ្ងាយពីផ្ទះប្រជាពលរដ្ឋ ៕

ដោយ៖ សូរិយា