សារព័ត៌មាន នគរវត្ត តែងតែនាំមុខគេជានិច្ច
ក្រុមហ៊ុនអចលនៈទ្រព្យចិន Vanke ដែលកំពុងមានបំណុលច្រើនបានរាយការណ៍ពីការខាតបង់ប្រចាំឆ្នាំចំនួន 49.5 ពាន់លានយន់ (6.8 ពាន់លានដុល្លារ) កាលពីថ្ងៃចន្ទ (31 មីនា) ដោយលើកឡើងពីការលក់ ធ្លាក់ចុះ និងការបាត់បង់ប្រាក់ចំណេញ បើទោះបីជាទីក្រុងប៉េកាំងព្យាយាមធ្វើឱ្យទីផ្សារលំនៅដ្ឋានរស់ឡើងវិញក៏ដោយ។
ក្រុមហ៊ុន Vanke បាននិយាយនៅក្នុងឯកសារផ្ញើរទៅកាន់ផ្សារហ៊ុនហុងកុងថា 2024 គឺជា ឆ្នាំដ៏លំបាក ហើយបានសុំទោសចំពោះ ទុក្ខព្រួយដែលបណ្តាលមកពី ការធ្លាក់ចុះយ៉ាងខ្លាំងនៃការលក់ ការខាតបង់យ៉ាងច្រើន និងសម្ពាធលើសាច់ប្រាក់របស់ពួកគេ។
ទីក្រុងប៉េកាំងក្នុងប៉ុន្មានឆ្នាំថ្មីៗនេះបានជួបវិបត្តិអូសបន្លាយក្នុងវិស័យអចលនទ្រព្យដ៏ធំរបស់ប្រទេស ដែលធ្លាប់ជាសសរស្តម្ភសំខាន់នៃសេដ្ឋកិច្ច ប៉ុន្តែឥឡូវនេះត្រូវបានហ៊ុមព័ទ្ធដោយបំណុលដ៏ច្រើនសន្ធឹកសន្ធាប់។
យោងតាមក្រុមហ៊ុនស្រាវជ្រាវ CRIC បានឱ្យដឹងថា ក្រុមហ៊ុន Vanke ដែលចុះបញ្ជីនៅហុងកុង គឺជាកម្មសិទ្ធិផ្នែកមួយរបស់រដ្ឋាភិបាលក្រុង Shenzhen និងជាក្រុមហ៊ុនអចលនទ្រព្យធំជាងគេទីបួនរបស់ប្រទេសចិន។
ក្រុមហ៊ុនVanke ក៏បានបញ្ជាក់ថាការខាតបង់របស់ខ្លួនបណ្តាលមកពីការគ្រប់គ្រងបំណុលនិងការវិនិយោគមិនត្រឹមត្រូវតាមពេលវេលា ពិសេសនោះគឺការពង្រីកខ្លួនហួសកម្រិត។
នេះគឺជាការបង្ហាញចំនួនខាតបង់លើកដំបូងហើយរបស់ក្រុមហ៊ុនVanke ចាប់តាំងពីពួកគេបានចុះបញ្ជីផ្សារហ៊ុនឆ្នាំ១៩៩១មក។ហើយទំហំនេះបានលើសពីការប៉ាន់ស្មានរបស់ក្រុមហ៊ុនក្នុងខែមករាដែលបានរំពឹងទកត្រឹមចំនួន 6.2 ពាន់លានដុល្លារប៉ុណ្ណោះ។ ប្រាក់ចំណូលបានធ្លាក់ចុះ 26ភាគរយក្នុងមួយឆ្នាំ៕
ដោយ៖ ភារៈ
