សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគិរី៖ ករណីហិង្សាដោយចេតនាលើប្រពន្ធកើត ឡើងឡើងកាលពីថ្ងៃទី៣១ខែមីនាឆ្នាំ២០២៥វេលាម៉ោង១៦និង៣០នាទីនៅចំណុចភូមិប៉ាអរ ឃុំកិចុង ស្រុកបរកែវ ខេត្តរតនគិរី ដែលបង្កឡើងដោយបុរសជាប្តីត្រូវនគរបាលស្រុកបរកែវ សហការជាមួយប៉ុស្តិ៍នគរបាលកិចុងបានធ្វើការចាប់ឃាត់ខ្លួនបុរសជាប្តីនោះហើយ។
យោងតាមរបាយការណ៍របស់អធិការនគរបាលស្រុកបរកែវ បង្ហាញថា ដោយមានការសម្របសម្រួល និងដឹកនាំនីតិវិធី ពីលោក ព្រះរាជអាជ្ញារង ឡេង លីណា និងយោងតាម គណនី Facebookដែលមានឈ្មោះ”រឿងទូទៅ”បានបង្ហោះឃ្លីបវីដេអូ ករណីហិង្សាដោយ ចេតនា ភ្លាមៗកម្លាំងជំនាញអធិការនគរបាលស្រុកបរកែវ ដឹកនាំដោយលោកវរសេនីយ៍ឯក ជួប វណ្ណារក្ស ចុះស្រាវជ្រាវស៊ើបអង្កេត ហើយឈានទៅចាប់ឃាត់ខ្លួន ជនសង្ស័យឈ្មោះ ទីង ជឿន ភេទប្រុស អាយុ៥៦ ជនជាតិទំពួន រស់នៅភូមិប៉ាអរ ឃុំកិចុង ស្រុកបរកែវខេត្តរតនគិរី បានសារភាពថា ខ្លួនពិតជាបានស្រវឹងស្រា ហើយបានប្រព្រឹត្តអំពីហិង្សាវាយទៅលើប្រពន្ធ ពិតប្រាកដមែន។
របាយការណ៍បន្ថថា ជនសង្ស័យមានឈ្មោះ ទីង ជឿន ភេទប្រុស អាយុ ៥៦ឆ្នាំ ជនជាតិទំពួន មានទីលំនៅបច្ចុប្បន្ន ភូមិប៉ាអរ ឃុំកិចុង ស្រុកបរកែវ ខេត្តរតនគិរី មុខរបរមិនពិតប្រាកដ។ ជនរងគ្រោះ ឈ្មោះ រចំ ហែន ភេទស្រី អាយុ៣០ ឆ្នាំ ជនជាតិទំពួន មានទីលំនៅបច្ចុប្បន្ន ភូមិប៉ាអរ ឃុំកិចុង ស្រុកបរកែវ ខេត្តរតនគិរី (មុខរបរកសិក) ។
បច្ចុប្បន្ន ជនរងគ្រោះកំពុងសំរាកព្យាបាលនៅ មណ្ឌល សុខភាពឃុំកិះចុង ។ ចំណែកបុរសជាប្ដីត្រូវបានឃាត់ ខ្លួននៅអធិការដ្ឋាននគរបាលបរកែវ ដើម្បីកសាងសុំណុំរឿងបញ្ញូនទៅអយ្យការអមសាលាដំបូង ខេត្តរតនគិរី តាមនីតិវិធី។
គួរបញ្ជាក់ថា ព្រឹកថ្ងៃទី០១ ខែមេសា ឆ្នាំ ២០២៥ ដោយពិនិត្យឃើញពីទុក្ខលំបាក របស់ស្ត្រីជារងគ្រោះដោយអំពើហិង្សាប្រព្រឹត្តដោយប្តីរបស់ខ្លួននិងដេីម្បីលេីកទឹក ចិត្តដល់កងកម្លាំងនគរបាលដែលកំពុងខិតខំបំពេញ តួនាទីភារកិច្ច ការពារថែរក្សាសន្តិសុខសណ្តាប់ធ្នាប់សាធារណៈ ពិសេសការបង្ក្រាប ករណីហិង្សានេះបានទាន់ពេលវេលា លោកឧត្តមសេនីយ៍ទោ អ៊ុង សុភាព ស្នងការនគរបាលខេត្តរតនគិរី រួមជាមួយលោក ឡុង ហុកម៉េង ព្រះរាជអាជ្ញារនៃអយ្យការអមសាលាដំបូងខេត្តរតនគិរី បានជួយឧបត្ថម្ភថវិកាចំនួន ២,០០០,០០០ រៀល ជូនជនរងគ្រោះសម្រាប់ថែទាំសុខភាពតតាមរយៈលោកអធិការនគរបាលស្រុកបរកែវ និង២,០០០,០០០ រៀល ឧបត្ថម្ភដល់កម្លាំងនគរបាលស្រុកបរកែវ ក្នុងនោះថវិកាលោក ឡុង ហុកម៉េង ឧបត្ថម្ភ ២,០០០,០០០៛ និង២,០០០,០០០៛ទៀត ជាថវិការបស់លោកឧត្តម សេនីយ៍ទោ អ៊ុង សុភាព ដែលថវិកានេះត្រូវបានប្រគល់ជូនដល់ស្ត្រីដែលជាជនរងគ្រោះកំពុងសម្រាកព្យាបាលនៅមណ្ឌលសុខភាពឃុំកិចុង ស្រុកបរកែវ ខេត្តរតនគិរី ដោយលោកអធិការនគរបាលស្រុកបរកែវ៕
ដោយ៖ សូរិយា
