សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ៖ អ្នកចាត់ការក្លឹបបាល់ទាត់ Manchester City លោក Pep Guardiola បាននិយាយថា ខ្សែប្រយុទ្ធ Erling Haaland នឹងអវត្តមានដល់ទៅ 7 សប្តាហ៍ដោយសសររបួសកជើងដែលគាត់បានរងរបួសក្នុងការប្រកួត FA Cup វគ្គ 1/4 ផ្តាច់ព្រ័ត្រកាលពីថ្ងៃអាទិត្យនៅលើទឹកដី Bournemouth។
កីឡាករសញ្ជាតិន័រវេសត្រូវបានប្តូរចេញនៅនាទីទី 61 បន្ទាប់ពីរកបានគ្រាប់បាល់តាមស្មើ ខណៈដែល Man City បានបន្តយកឈ្នះក្រុម Cherries 2-1 និងឈានដល់វគ្គពាក់កណ្តាលផ្តាច់ព្រ័ត្រ។ វីដេអូមួយត្រូវបានបង្ហោះនៅលើប្រព័ន្ធផ្សព្វផ្សាយសង្គមដែលបង្ហាញពីកីឡាករវ័យ 24 ឆ្នាំរូបនេះបានចាកចេញពីកីឡដ្ឋាន Vitality ដោយប្រើប្រាស់ឈើច្រត់ និងដោយកជើងខាងឆ្វេងរបស់គាត់នៅក្នុងស្បែកជើងកវែងការពារ។
លោក Guardiola បាននិយាយថា “ពួក គ្រូពេទ្យនិយាយចន្លោះពីប្រាំទៅប្រាំពីរសប្តាហ៍។ ដូច្នេះសង្ឃឹមថាចុងបញ្ចប់នៃរដូវកាលនេះ គាត់នឹងត្រៀមខ្លួនរួចរាល់ហើយអាចលេងក្នុងកម្មវិធីClub World Cup។”
ការអវត្តមានរយៈពេលប្រាំសប្តាហ៍នឹងធ្វើឱ្យ Haaland ខកខានការប្រកួតចំនួន 6 រួមទាំងការប្រកួត FA Cup វគ្គពាក់កណ្តាលផ្តាច់ព្រ័ត្រជាមួយនឹងក្រុម Nottingham Forest នៅថ្ងៃទី 26 ខែមេសា។ ប្រសិនបើគាតជាទាន់ពេលគាត់នឹងវិលវិញក្នុងការប្រកួត Premier League ទល់នឹង Southampton នៅថ្ងៃទី 10 ខែឧសភា។
ដោយ៖ធីរីណា
