សារព័ត៌មាន នគរវត្ត តែងតែនាំមុខគេជានិច្ច
ប្រទេសថៃ ៖ តាមការស្រង់មតិរបស់វិទ្យាស្ថានជាតិនៃរដ្ឋបាលអភិវឌ្ឍន៍ (NIDA) ដែលចេញផ្សាយនៅថ្ងៃទី២៩ ខែមិថុនា ប្រជាប្រិយភាព លោកស្រី ផែថងថាន បានធ្លាក់មកត្រឹម ៩,២ភាគរយប៉ុណ្ណោះ ពោលគឺធៀបជាងលោកប្រាយុទ្ធ ចន្ទអូចា អតីតនាយករដ្ឋមន្រ្តីថៃ ដែលមានចំនួន ១២,៧២ភាគរយ។
ប្រជាប្រិយភាពរបស់លោកស្រី ផែថងថាន ស៊ីណាវ៉ាត់ នាយករដ្ឋមន្រ្តីថៃ បានធ្លាក់ចុះយ៉ាងខ្លាំង បើធៀបជាមួយនឹងត្រីមាសទីមួយ នៃឆ្នាំ២០២៥។ ចំណុចនេះបង្ហាញថា លោកស្រី ផែថងថាន ស៊ីណាវ៉ាត់ មិនដឹងទប់តំណែងបានឬអត់ បើបាតុករបន្តប្រមូលផ្តុំតវ៉ាទាមទារឱ្យនាយករដ្ឋមន្ត្រីចុះចេញពីតំណែងរហូត ។
សូមបញ្ជាក់ថា ៖ ហេតុអ្វីបានជាពលករខ្មែរដែលធ្វើការនៅប្រទេសថៃ គួរតែវិលត្រឡប់មកប្រទេសខ្មែរវិញ? ពីព្រោះថានៅកម្ពុជា រាជរដ្ឋាភិបាលផ្តល់ការងារឱ្យបងប្អូនប្រជាពលរដ្ឋយើងបានច្រើន។
មន្រ្តីក្រសួងការងារ បញ្ជាក់ថា ឱកាសការងារជាង ២៥ម៉ឺនកន្លែង ដែលផ្តល់ជូនដល់ពលករខ្មែរវិលត្រឡប់មកពីប្រទេសថៃធានាបាននូវភាពរឹងមាំ និងគ្រប់គ្រាន់សម្រាប់ពលករ ៕
ដោយ ៖ សិលា
