សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ: រថយន្តក្រុងដឹកជនជាតិចិនបានរ៉េចង្កូតជ្រុលទៅបុករបាំងថ្មពុះចែកទ្រូងផ្លូវបណ្តាលឲ្យរងការខូចខាតអស់ចំនួន០៤ រងការខូចខាត បណ្ដាលរងរបួសម្នាក់ត្រូវបានសមត្ថកិច្ចឃាត់យកទៅសួរនាំភ្លាមៗ ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង ១២និង៤០នាទីរំលងអាធ្រាតឈានចូលថ្ងៃទី១៩ខែកក្កដាឆ្នាំ២០២៥នៅតាមបណ្ដោយផ្លូវ ២៨៩ដែលស្ថិតនៅសង្កាត់បឹងកក់ទី២ ខណ្ឌទួលគោក រាជធានីភ្នំពេញ ។
តាមប្រភពព័ត៌មានបានអោយដឹងថា នៅមុនពេលកេីតហេតុគេឃើញរថយន្តក្រុងមួយគ្រឿងម៉ាកហុីយ៉ាន់ដាយពណ៌ខៀវលាយស ពាក់ផ្លាកលេខភ្នំពេញ3E3443 ធ្វើដំណើរតាមបណ្ដោយផ្លូវ២៨៩ក្នុងទិសដៅពីជេីងទៅត្បូងក្នុងល្បឿនយ៉ាងលឿន បន្ទាប់មកក៏ស្រាប់តែបានរ៉េចង្កូតទៅផ្នែកខាងឆ្វេងក៏ជ្រុលទៅបុករបាំងថ្មពុះចែកទ្រូងផ្លូវបណ្តាលខូចខាតអស់ចំនួន០៤កង់ហេីយបន្ទាប់មកក៏ស្រាប់តែ មានជនជាតិចិនជាច្រេីននាក់ បាននាំគ្នារត់ចុះពីរថយន្ត នៅសល់អ្នកបេីកបរម្នាក់ នឹងជនជាតិចិនម្នាក់បានរងរបួស ។ ចំណែកអ្នកបេីកបរក៏គេចខ្លួនបាត់ជាបន្តបន្ទាប់។ ដោយនៅសល់ជនជាតិចិនម្នាក់ដោយយកដងអំបុសជ័រដេញវាយបងប្អូនប្រជាពលរដ្ឋ ហេីយត្រូវបានឃាត់ខ្លួនភ្លាមៗ។
ប្រភពបានបន្ដទៀតថា បុរសជាជនជាតិចិនម្នាក់ខាងលេី បាននិយាយប្រាប់ថាគាត់ត្រូវគេវាយ ហេីយជនបង្កនាំគ្នារត់គេចខ្លួនអស់ហេីយ ។ លុះក្រោយមកសមត្ថកិច្ចនគរបាលប៉ុស្តិ៍នឹងសមត្ថកិច្ចអន្តរាគមន៍ខណ្ឌទួលគោក តាមឃាត់ជនជាតិចិនចំនួន១១នាក់នៅជិតកន្លែងកើតហេតុក្នុងនោះមានស្រីម្នាក់ដេីម្បីយកទៅសួរនាំនៅអធិការនគរបាលខណ្ឌទួលគោកភ្លាមៗ ។
ចំណែករថយន្តបង្កខាងលើដែលបេីកបុករបាំងថ្មពុះចែកទ្រូងផ្លូវខូចខាតអស់ចំនួន០៤ ត្រូវបានសមត្ថកិច្ចនគរបាលខណ្ឌទួលគោកបានទាក់ទងទៅសមត្ថកិច្ចជំនាញនៃការរិយាល័យចរាចរណ៍ផ្លូវគោករាជធានីភ្នំពេញដើម្បីស្ទូចរថយន្តបង្កខាងលើយកទៅរក្សាទុកដេីម្បីរងចាំការដោះស្រាយថ្ងៃក្រោយ៕ ដោយ ៖ ភារ៉ា ដង្កោ
