សារព័ត៌មាន នគរវត្ត តែងតែនាំមុខគេជានិច្ច
រាជធានីភ្នំពេញ ៖ បុរស០២នាក់ ជិះម៉ូតូលឿន ចាប់ហ្រ្វាំងមិនទាន់ ជ្រុលទៅបុកផ្ទប់ជាមួយរថយន្តហ្វ័តដែលរថយន្តបត់ចូលបុរីចំពាក់កណ្ដាលរថយន្ដរងរបួសធ្ងន់ធ្ងរ០២នាក់ ត្រូវបានសមត្ថកិច្ចទាក់ទងរថយន្ដសង្រ្គោះបន្ទាន់ដឹកទៅមន្ទីពេទ្យ ។
ហេតុការណ៍នេះបានកេីតឡេីងកាលពីវេលាម៉ោង ០៩ នឹង ៥០នាទីយប់ ថ្ងៃទី១៩ ខែកក្ដដា ឆ្នាំ២០២៥ ស្ថិតតាមបណ្ដោយផ្លូវ១០០៣ សង្កាត់ច្រាំងចំរេះទី១ ខណ្ឌឬស្សីកែវ រាជធានីភ្នំពេញ ។
ប្រភពព័ត៍មានពីពលរដ្ឋបានអោយដឹងថា មុនកើតហេតុ មានបុរស ០២នាក់ជិះម៉ូតូធំ ម៉ាក Kawasaki ពណ៍បែតងលាយខ្មៅ ពាក់ផ្លាកលេខ ភ្នំពេញ 1JZ-8648 ជិះឌុបគ្នាក្នុងល្បឿនលឿន តាមបណ្តោយផ្លូវលេខ ១០០៣ ថ្មី ទិសដៅពីត្បូងមកជើង ខណៈមកដល់ចំណុចក្លោងទ្វារ បុរី វិមានភ្នំពេញ ក៏ស្រាប់តែមានរថយន្តមួយគ្រឿង ម៉ាក Ford Ranger XL ពណ៍ស ពាក់ផ្លាកលេខ ភ្នំពេញ 2AT-5636 ធ្វើដំណើរតាមផ្លូវ១០០៣ថ្មី ទិសដៅពីជើងមកត្បូង បត់ឆ្លងផ្លូវបានពាក់កណ្តាលផ្លូវ បង្កអោយ បុរស០២នាក់ ដែលជិះម៉ូតូ បុកខ្ទប់ទ្វារជាប់រថយន្ត រងរបួសធ្ងន់ ម្នាក់ នឹង ម្នាក់ទៀតប្លោងរំលងរថយន្ដរងរបួសធ្ងន់ធ្ងរ ភ្លាមៗនោះ សមត្ថកិច្ចរួមជាមួយកងអាវុធហត្ថ បានទាក់ទងទៅរថយន្ដសង្គ្រោះបន្ទាន់បញ្ជូនទៅមន្ទីរពេទ្យ ។
ដោយឡែកម៉ូតូ ធំម៉ាកKawasaki ខូចខាតខ្ទេចផ្នែកខាងមុខធ្ងន់ធ្ងរតែម្ដង និងរថយន្ដហ្វ័តខ្ទេចទ្វារមួយចំហៀងផងដែរ ។
បន្ទាប់មកសមត្ថកិច្ចមូលដ្ឋានធ្វើការទាក់ទងទៅសមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ចុះមកធ្វើការវាស់វែងយករថយន្តនិងម៉ូតូទៅរក្សាទុករង់ចាំការដោះស្រាយនៅពេលក្រោយ ៕ដោយ ៖ ភារ៉ា ដង្កោ
