សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ម៉ូតូ២គ្រឿងជិះខ្វះការប្រុងប្រយ័ត្ននៅផ្លូវបំបែកជាបួនក៏ជ្រុលទៅបុកយ៉ាងពេញទំហឹងបណ្ដាលឲ្យមានអ្នករបួសធ្ងន់ស្រាលចំនួន៣នាក់ ។
ហេតុការណ៍នេះបានកើតឡេីងនៅវេលាម៉ោង១០និង៣០នាទីយប់ ថ្ងៃទី៣០ខែកក្កដាឆ្នាំ២០២៥ ចំនុចផ្លូវ១៩៩កែងផ្លូវ៣២៨ សង្កាត់ទួលស្វាយព្រៃទី១ ខណ្ឌបឹងកេងកង ។
តាមប្រភពព័ត៌មាន ពីកន្លែងកើតហេតុ បានអោយដឹងថា មុនពេលកេីតហេតុ គេបានឃើញបុរស២នាក់ជាអ្នកដឹកជញ្ជូនម្ហូបអាហារអនឡាញ បានជិះម៉ូតូម៉ាក ស៊ុយសុគីនិច ពណ៌សលាយក្រហម ពាក់ស្លាកលេខ ភ្នំពេញ 1JV 3104 ជិះធ្វើដំណើរតាមបណ្ដោយផ្លូវ១៩៩ទិសដៅពី លិចទៅកេីត លុះមកដល់ចំណុចកេីតហេតុ ដែលជាផ្លូវបំបែកជាបួន ក៏ស្រាប់តែបុរសម្នាក់ស្រវឹងបានជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ កំពង់ចាម1H 0962បានជិះបោះពួយតាមបណ្ដោយផ្លូវ៣២៨ទិសដៅពីជេីងទៅត្បូងក្នុងល្បឿនលឿនព្រមទាំងខ្វះការប្រុងប្រយ័ត្នក៏ជ្រុលទៅបុកនិងម៉ូតូនិចចំពាក់កណ្ដាលយ៉ាងពេញទំហឹងបណ្ដាលឲ្យអ្នកអង្គុយខាងក្រោយរងរបួសបាក់ជើងខាងឆ្វេង ចំនែកអ្នកបេីកម៉ូតូរបួសតិចតួច អ្នកទាំង២ត្រូវបានបញ្ជូនតាមរថយន្តសាមុយយកទៅសង្គ្រោះនៅមន្ទីរពេទ្យរុស្ស៊ី ។
ដោយបុរសដែលជិះម៉ូតូហុងដាឌ្រីមវិញរបួសបែកក្បាលហូរឈាមសន្លប់ស្ដូកស្ដឹងត្រូវបានបញ្ជូនតាមរថយន្តសាមុយយកទៅសង្គ្រោះនៅមន្ទីរពេទ្យរុស្ស៊ីដូចគ្នា ។
ក្រោយកេីតហេតុមិនដោះស្រាយបានសមត្ថកិច្ចជំនាញចរាចរណ៍បានវាស់វែងយកមធ្យោបាយទាំងអស់ទៅរក្សាទុកនៅអធិការដ្ឋាននគរបាលខណ្ឌបឹងកេងកងរង់ចាំដំណោះស្រាយ ៕ដោយ៖សុខាសែនជ័យ
