សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ បុរសម្នាក់ខណៈកំពុងជីករ៉ែមាសតាមរណ្តៅចាស់ត្រូវដីបាក់សង្កត់ស្លាប់យ៉ាងអាណោចអាធ័មនៅវេលាម៉ោង១៥និង០០នាទី ថ្ងែទី២៣ ខែកញ្ញា ឆ្នាំ ២០២៥ នៅចំណុចក្រុមទី៥ ភូមិថ្នល់បត់ ឃុំសំពៅលូន ស្រុកសំពៅលូន ខេត្តបាត់ដំបង។
សមត្ថកិច្ចបានឱ្យដឹងថា ជនរងគ្រោះមានឈ្មោះ ដុះ ចេង ភេទប្រុស អាយុ៣៦ឆ្នាំ មានទីលំនៅភូមិថ្នល់បត់ ឃុំសំពៅលូន ស្រុកសំពៅលូន ខេត្តបាត់ដំបង បានស្លាប់បាត់បង់ជីវីតដោយសារជីករ៉ែមាសតាមរណ្តៅចាស់ ហើយត្រូវបានដីបាក់សង្កត់ស្លាប់តែម្តង។
ក្រោយពេលកើតហេតុ ប្រជាពលរដ្ឋនៅក្នុងភូមិបានជួយជីកកកាយដីយកសពជនរងគ្រោះពីក្នុងដីបាននៅវេលាម៉ោង០២និង២៥នាទីទៀបភ្លឺ ឈានចូលថ្ងែទី២៤ ខែ កញ្ញា ឆ្នាំ២០២៥ រួចបានប្រគល់សពជនរងគ្រោះជូនសាច់ញាតិយកទៅធ្វើបុណ្យតាមប្រពៃណី៕
ដោយ៖ សូរិយា
