សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ ដោយបានការដឹកនាំបញ្ជាលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ និងបានការចង្អុលណែនាំពីជំនាញព្រហ្មទណ្ឌខេត្ដ លោកវរសេនីយ៍ឯក យ៉ាង សុខលី អធិការនគរបាលស្រុកគងពិសី បានបញ្ជាឱ្យផ្នែកព្រហ្មទណ្ឌផ្នែកសន្ដិសុខសហការធ្វេីការស្រាវជ្រាវករណីក្រុមលួចម៉ូតូស្ទាក់កាប់ប្លន់ម៉ូតូនិងមុខសញ្ញាផលចោរកម្ម(ទីផ្សាទទួលផលចោរកម្មនិងមេក្លោងទិញសម្ភារៈចោរ)។
តាមការបញ្ជាក់ពីអធិការស្រុកថា កាលយប់ថ្ងៃទី៥ ខែ តុលា ឆ្នាំ២០២៥ វេលាម៉ោង២២និង១៥នាទី នៅតាម
បណ្ដោយផ្លូវជាតិលេខ៤១ ភូមិចាស់ ឃុំព្រៃញាតិ ស្រុកគងពិសី មានករណីលួចដោយមានស្ថានទម្ងន់ទោស “កាប់ប្លន់យកម៉ូតូ” ជនសង្ស័យ២នាក់ប្រើដាវ២ដើម ជិះម៉ូតូគ្មានផ្លាកលេខតាមមកដល់មុខផ្ទះពេលជនរងគ្រោះបង្អង់ម៉ូតូចូលផ្ទះ ជនសង្ស័យប្រេីដាវកាប់បណ្តាលឱ្យរងរបួសរួចយកម៉ូតូតែម្ដងស្របពេលកម្លាំងនគរបាលជិះល្បាតឃេីញសង្ស័យបានស្ទាក់ឃាត់បាន២នាក់ ៖
១.ឈ្មោះ ហែល បញ្ញា ភេទប្រុសអាយុ២៦ឆ្នាំ លំនៅភូមិកំណប់ ឃុំត្បែង ស្រុកកណ្ដាលស្ទឹង ខេត្តកណ្ដាល, ២. ឈ្មោះ ផន ពេជ្រ ភេទប្រុស អាយុ២៧ឆ្នាំ នៅភូមិព្រៃតាលឹម ឃុំជង្រុក ស្រុកគងពិសី ខខេត្តកំពង់ស្ពឺ។
តាមចម្លេីយជនសង្ស័យនគរបាលបានរកឃេីញថា ជនសង្ស័យធ្វេីសកម្មភាព៣លេីកទៀតប្លន់ម៉ូតូគងពិសី ១ លើកនិងផ្លូវជាតិលេខ៣ ហើយ២លើកយកទៅលក់ឲ្យឈ្មោះ សាយ បូរី ភេទប្រុស អាយុ៣៧ឆ្នាំ នៅភូមិពង្រ ឃុំស្រង់ ស្រុកគងពិសី និងឈ្មោះ ណៃ ឌីម ភេទ ប្រុស អាយុ៤២ឆ្នាំ រស់នៅភូមិរាំង ឃុំជង្រុក ស្រុកគងពិសី ជាមុខសញ្ញាទទួលផលចោរកម្មមានដីចាប់ខ្លួន ៣។
*-ដីកាចាប់ខ្លួនលេខ ៥០៨ /២៤ ចុះ២៩-សីហា-២០២៤ * ដីកាចាប់ខ្លួនលេខ ៥៩៣ /២៤ ចុះ២៥-មេសា-២០២៤ * ដីកាចាប់ខ្លួនលេខ ៤១៩ /២៤ ចុះ២៩-សីហា-២០២៤ របស់ចៅក្រមស៊ើបសួរ ប៉ែន កាម៉ង់ការ ។
សមត្ថកិច្ចធ្វេីការដកហូតវត្ថុតាងម៉ូតូ៣គ្រឿង រកឃេីញម៉ូតូជនរងគ្រោះ១គ្រឿង ហុងដាខ្មៅផ្លាកលេខតាកែវ 1M-4455និងដាវកែឆ្នៃ២ដើម ។
បច្ចុប្បន្នជនសង្ស័យ៤នាក់ ត្រូវបានឃាត់ខ្លួនបញ្ជូនមកអធិការដ្ឋាននគរបាលស្រុកគងពិសី ដេីម្បីបញ្ជូនភ្លាមៗទៅកាន់ស្នងការដ្ឋាននគរបាលខេត្ដនិងបន្ដកាន់សាលាដំបូងខេត្ដកំពង់ស្ពឺ ចាត់តាមនីតិវិធីច្បាប់៕
