សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ ៖ នាថ្ងៃទី ៣ ខែឧសភា លោក ត្រាំ ប្រធានាធិបតីអាមេរិកបានបង្ហោះសារតាមប្រព័ន្ធទំនាក់ទំនងសង្គមថា អាមេរិកនឹងធ្វើប្រតិបត្តិការជម្លៀសមួយចាប់ពីព្រឹកថ្ងៃទី ៤ ខែឧសភាដើម្បី ”ណែនាំ” នាវាដែលជាប់គាំងនៅច្រកសមុទ្រ Hormuz ឱ្យបរចេញពីច្រកសមុទ្រនេះ។
លោកត្រាំបានអះអាងថា នាវាដែលជាប់គាំងនៅច្រកសមុទ្រ Hormuz មកពីប្រទេសនានាជុំវិញពិភពលោក ក្នុងនោះប្រទេសភាគច្រើនគ្មានការទាក់ទងអ្វីជាមួយស្ថានការណ៍ដែលកំពុងកើតឡើងនៅតំបន់មជ្ឈិមបូព៌ានោះទេ។ លោកបានជូនដំណឹងដល់គ្រប់ភាគីថា អាមេរិកនឹងណែនាំនាវា និងនាវិករបស់ពួកគេបរចេញពីច្រកសមុទ្រនេះដោយសុវត្ថិភាព។ គ្រប់ភាគីជាប់ពាក់ព័ន្ធសុទ្ធតែបានបង្ហាញថា មុនពេលស្តារសុវត្ថិភាពនាវាចរណ៍ និងស្ថិរភាពស្ថានការណ៍ទូទៅនៅក្នុងដែនសមុទ្រនេះឡើងវិញ ពួកគេនឹងមិនត្រឡប់មកតំបន់នេះវិញទេ។
លោកត្រាំបន្តទៀតថា ប្រសិនបើប្រតិបត្តិការមនុស្សធម៌នេះ រងការរារាំងណាមួយនោះអាមេរិកនឹងចាត់ប្រើមធ្យោបាយរឹងចចេសដើម្បីជាការតបតវិញ៕
ប្រភព ៖ (CCFR)
