សារព័ត៌មាន នគរវត្ត តែងតែនាំមុខគេជានិច្ច
Napoli បានចុះហត្ថលេខាទិញយកខ្សែប្រយុទ្ធដាណឺម៉ាក Rasmus Hojlund ពី Manchester United ក្នុងកិច្ចសន្យាអចិន្ត្រៃយ៍សម្រាប់តម្លៃ 50 លានអឺរ៉ូ (58.08 លានដុល្លារ) បន្ទាប់ពីលេងខ្ចីជើងដោយជោគជ័យ នេះបើតាមក្លឹបទាំងពីរបានប្រកាសនៅថ្ងៃពុធនេះ។
កីឡាករ Hojlund វ័យ 23 ឆ្នាំស៊ុតបញ្ចូលទីបាន 16 គ្រាប់ក្នុងការបង្ហាញខ្លួន 44 ប្រកួតនៅគ្រប់ការប្រកួតទាំងអស់កាលពីរដូវកាលមុន ដោយជួយ Napoli ឈ្នះពាន Supercoppa Italiana និងបញ្ចប់ចំណាត់ថ្នាក់រងជើងឯកនៅ Serie A ។
ខ្សែប្រយុទ្ធរូបនេះបានចូលរួមជាមួយ United ដោយចាកចេញពី Atalanta ក្នុងឆ្នាំ 2023 ហើយបានបន្តស៊ុតបញ្ចូលទី 26 គ្រាប់ក្នុងការបង្ហាញខ្លួន 95 លើកសម្រាប់ក្លឹបនៅអង់គ្លេស Premier League ។
គាត់ក៏ជាផ្នែកមួយនៃក្រុម United ដែលបានលើកពាន FA Cup ក្នុងខែឧសភា ឆ្នាំ 2024 ដោយមកក្នុងនាមជាកីឡាករបម្រុងក្នុងវគ្គផ្តាច់ព្រ័ត្រទល់នឹង Manchester City នៅ Wembley ។
Hojlund បានត្រលប់ទៅប្រទេសអ៊ីតាលីវិញនៅដើមយុទ្ធនាការឆ្នាំ 2025-26 ក្នុងលក្ខខ័ណ្ឌខ្ចីជើងពេញមួយរដូវកាល។
United បាននិយាយនៅក្នុងសេចក្តីថ្លែងការណ៍មួយថា “មនុស្សគ្រប់គ្នានៅក្នុងក្លឹបចង់ជូនពរ Rasmus ឱ្យទទួលជោគជ័យល្អបំផុតសម្រាប់អនាគត” ៕
