សារព័ត៌មាន នគរវត្ត តែងតែនាំមុខគេជានិច្ច
លោក Hans-Joachim Watzkeប្រធានក្លិបយក្សអាល្លឺម៉ង់ Borussia Dortmund បញ្ជាក់ថា កីឡាកររត់ប្រណាំងពិភពលោក Usain Bolt នឹងមកហ្វឹកហាត់លេងបាល់ ទាត់នៅក្នុងក្លិបរបស់ខ្លួន។
កីឡាករUsain Boltម្ចាស់មេដាយមាសអូឡាំពិកចំនួន៩សម័យតែងតែ ប្រាថ្នាលេងបាល់ទាត់ឲ្យក្លិបបិសាចក្រហម Manchester United។ ចំណែក លោកHans-Joachim Watzkeបានបញ្ជាក់ថា វាមិនមែនជារឿងកំប្លែងទេដែល កីឡាករ Usain Bolt មកហ្វឹកហាត់ជាមួយនឹងក្រុម Borussia Dortmund។
ក្លិបDortmund និងកីឡាករ Bolt សុទ្ធតែត្រូវបានឧបត្ថម្ភដោយក្រុមហ៊ុនកីឡា Puma ហើយប្រធានក្រុមហ៊ុននេះបានទាក់ទងមកប្រាប់លោក Watzke ថាកីឡាករ Bolt ចង់ហ្វឹកហាត់លេងបាល់ទាត់នៅក្នុងក្រុម Dortmund។
លោកWatzkeបានស្វាគមន៍ចំពោះគំនិតនេះហើយលោក Thomas Tuchel គ្រូបង្វឹករបស់ ក្រុមBorussia Dortmundក៏អន្ទះសាចង់នាំយកកីឡាករលឿនជាងគេរបស់ពិភពលោកនេះ មកហ្វឹកហាត់ជាមួយផងដែរ ៕
