ព័ត៌មានទាន់ហេតុការណ៍៖

បំផ្ទុះគ្រាប់ស្ថានីយរថភ្លើងក្រោមដីនៅប្រទេសរុស្ស៊ីស្លាប់១១នាក់ សង្ស័យករណីភេរវកម្ម

ចែករំលែក៖

 

ជនដៃដល់ដែលវាយប្រហារសម្លាប់មនុស្ស១១នាក់នៅស្ថានីយរថភ្លើង ក្នុងទីក្រុង St. Peterburgត្រូវបានគេស្គាល់ថា ជាមនុស្សមកពីតំបន់អាស៊ីភាគកណ្តាលមានអាយុប្រមាណ ២០-៣០ឆ្នាំ ។

កាលពីថ្ងៃទី៣ ខែមេសា សារព័ត៌មាន Interfax របស់រុស្ស៊ីបានផ្សាយថា ជនដៃដល់ ត្រូវបានកំណត់អត្តសញ្ញាណ ប៉ុន្តែព័ត៌មាន ស្តីពីជនដៃដល់នៅមិនទាន់មានភាពចុះសម្រុងគ្នាទាំងស្រុងនោះឡើយថា តើជនដៃដល់ខាងលើវាយប្រហារអត្តឃាតដែរ ឬទេ។

សារព័ត៌មាន Interfazx បាន ដកស្រង់ព័ត៌មានពី ក្រុមស្រាវជ្រាវរុស្ស៊ីបានឲ្យដឹងថា យុវជនមានអាយុ២៣ឆ្នាំ មកពីតំបន់អាស៊ីកណ្តាល មានទំនាក់ទំនងជិតស្និទ្ធជាមួយក្រុមភេរវកម្ម អិស្លាម IS ។ សារព័ត៌មានខាងលើបានបញ្ជាក់ថាជនដៃដល់ស្លាប់នៅនឹងកន្លែងកើតហេតុ ដោយសាកសព ត្រូវខ្ទិច បែកជាច្រើនបំណែងពិបាកក្នុងការសន្និដ្ឋាន។ ក្នុងពេលនោះដែរ សារព័ត៌មាន រុស្ស៊ីTassបានផ្សាយថា ការវាយប្រហារខាងលើអាចជាស្ត្រី ។

នាយករដ្ឋមន្ត្រីរុស្ស៊ី លោក Dmitry Medvedev បានចាត់ទុកការបំផ្ទុះគ្រាប់បែកនោះ ជាការវាយប្រហារភេរវកម្ម ។ គណកម្មាធិការស្រាវជ្រាវ របស់រុស្ស៊ីបានឲ្យដឹងថា ការវាយប្រហារនោះ ជាសកម្មភាពភេរវកម្ម ប៉ុន្តែក្រុមអ្នកស្រាវជ្រាវក៏បាន ត្រូវពិនិត្យលើបញ្ហាផ្សេងផងដែរ ខ្លាចជាប់ពាក់ព័ន្ធនយោបាយ ។

នៅពេលនេះ មិនទាន់មានក្រុមណាមួយចេញមុខទទួលស្គាល់ថា ជាទង្វើរបស់ខ្លួននៅឡើយ ។ ការវាយប្រហារកើតឡើងក្នុងពេលដែលក្រុមភេរវកម្ម IS បង្កើនការវាយប្រហារ ទៅលើប្រទេសរុស្ស៊ីដើម្បីសងសឹកទៅនឹង ការវាយប្រហាររបស់រុស្ស៊ីទៅលើក្រុម IS នៅក្នុងប្រទេសស៊ីរី។

ប្រធានាធិបតីរុស្ស៊ីលោក វ្លាឌីមៀ ពូទីន បាននិយាយថា មូលហេតុដែលអាចទៅរួច ទាំងអស់នៃការបំផ្ទុះនៅស្ថានីយរថភ្លើងក្រោមដី ក្នុងទីក្រុង St.Petersburg គឺកំពុងស្ថិតក្នុងការសន្និដ្ឋាន ក្នុងនោះ មានទាំងភេរវកម្ម ផងដែរ ។

លោក ពូទីន បន្តថា មូលហេតុដែលនាំឲ្យ មានការបំផ្ទុះនេះគឺមិនទាន់បញ្ជាក់ឲ្យច្បាស់ នៅឡើយទេ ព្រោះវាលឿនខ្លាំងពេក ដើម្បីសន្និដ្ឋាន ។ ការស៊ើបអង្កេតនឹងត្រូវបង្ហាញ ។

សារព័ត៌មាន Sky News ចេញផ្សាយនៅថ្ងៃទី៣ ខែមេសា ឆ្នាំ២០១៧ បានឲ្យដឹងដោយផ្អែកតាម ទីភ្នាក់ងារព័ត៌មាន Interfax and RIA របស់រុស្ស៊ីថា មានហេតុការណ៍ផ្ទុះចំនួនពីរ បានកើតឡើង នៅស្ថានីយរថភ្លើងក្រោមដីរុស្ស៊ី។

ក្រោយការណ៍ផ្ទុះកើតឡើង ស្ថានីយរថភ្លើង ចំនួន៣ផ្សេងទៀត បានបិទដំណើរការជាមួយគ្នានោះដែរ យោងតាមទីភ្នាក់ងារព័ត៌មាន Tassបានផ្សាយថា មនុស្សចំនួន១០នាក់ បានស្លាប់ និងជាច្រើននាក់ទៀតរបួស។

កាលពីខែមីនា ឆ្នាំ២០១០ ស្ថានីយរថភ្លើងពីរកន្លែងនៅទីក្រុងមូស្កូប្រទេសរុស្ស៊ី បណ្តាលឲ្យមបនុស្សរាប់សិបនាក់ស្លាប់ ។ នៅឆ្នាំ២០០៤ ផ្លូវរថភ្លើងក្រោមដី ក៏រងការវាយប្រហារពីរលើកផងដែរ ។ នៅក្នុងខែមេសា ឆ្នាំ២០០៤ មានការវាយប្រហារ បំផ្ទុះគ្រាប់បែក នៅភាគខាងត្បូងទីក្រុងមូស្កូ សម្លាប់មនុស្ស៣៩នាក់ ។ នៅខែកញ្ញា ឆ្នាំ២០០៤ ជនវាយប្រហារអត្តឃាតក៏បានបំផ្ទុះគ្រាប់បែកសម្លាប់មនុស្ស៩នាក់ផងដែរ ៕ ម៉ែវ សាធី

Men carry an injured person on a stretcher outside Technological Institute metro station in Saint Petersburg on April 3, 2017. Around 10 people were feared dead on Monday after an explosion rocked the metro system in Russia's second city Saint Petersburg, according to authorities. / AFP PHOTO / INTERPRESS / Alexander TARASENKOV

se

Blast victims lie near a subway train hit by a explosion at the Tekhnologichesky Institut subway station in St.Petersburg, Russia, Monday, April 3, 2017. The subway in the Russian city of St. Petersburg is reporting that several people have been injured in an explosion on a subway train. (AP Photo/DTP&ChP St. Peterburg via AP)

70 ae nga

 


ចែករំលែក៖