សារព័ត៌មាន នគរវត្ត តែងតែនាំមុខគេជានិច្ច
ឧទ្ធម្ភាគច័ក្រជួយសង្គ្រោះ១គ្រឿងរបស់ប្រទេសឥណ្ឌូនេស៊ីបានជួបគ្រោះថ្នាក់ពេលទៅជួយជម្លៀសពលរដ្ឋចេញពីតំបន់ភ្នំ ជិតភ្នំភ្លើងកំពុងផ្ទុះនៅខេត្តជ្វា (Java) បណ្តាលឲ្យ អ្នកនៅលើឧទ្ធម្ភាគច័ក្រទាំង៨នាក់ស្លាប់។
ឧទ្ធម្ភាគច័ក្រប្រភេទ Dauphin AS 365 ផលិតដោយប្រទេសឥណ្ឌូនេស៊ីបានបុកទៅនឹងជញ្ជាំងភ្នំក្រោយហោះហើរបាន៣នាទីមានចម្ងាយពីស្រុក Dieng Plateau ដែលជាតំបន់ទេសចរណ៍ដ៏ល្បីជាកន្លែងមានភ្នំភ្លើងផ្ទុះនៅថ្ងៃទី២ ខែកក្កដា។
លោក Marsudi អ្នកនាំពាក្យរបស់ការិយាល័យសង្គ្រោះ និងស្រាវជ្រាវជាតិបានប្រាប់ដល់សារព័ត៌មានស៊ិនហួថា គ្រោះថ្នាក់នៃការធ្លាក់នោះកើតឡើងនៅភូមិ Canggal ក្នុងស្រុក Temanggung កាលពីវេលាម៉ោងប្រមាណ៤ល្ងាច ម៉ោងនៅហ្សាការតា។ លោកបាននិយាយថា ឧទ្ធម្ភាគចក្រនោះមានផ្ទុកមនុស្ស៥នាក់ដែលជាសហសេវឹក និង៣នាក់ជាអ្នកសារព័ត៌មាន។
ឧត្តមសេនីត្រី Ivan Tito ប្រធានអង្គភាបប្រយុទ្ធហ្វិកហាត់ និងជួយសង្គ្រោះឥណ្ឌូនេស៊ីបានឲ្យដឹងថា សាកសពជនរងគ្រោះទាំងអស់បានបញ្ជូនទៅកាន់មន្ទីពេទ្យ Bhayangkara ក្នុងខេត្តជ្វា។
ភ្នំភ្លើង Sileri ស្ថិតនៅតំបន់ Dieng Plateau បានព្រួសកម្អែលកម្ពស់៥០ម៉ែត្រ ដោយចាប់ផ្តើមព្រួសកម្អែលនៅថ្ងៃទី២ ខែកក្កដា។ ការព្រួសកម្អែលដោយចៃដន្យ នៃភ្នំភ្លើងខាងលើ ធ្វើឲ្យអ្នកទេសចរណ៍ប្រមាន១៧នាក់ នៅជិតនោះរងផលប៉ះពាល់។ មនុស្ស១០នាក់រងរបួសនៅក្នុងហេតុការណ៍ខាងលើ។
ភ្នុំភ្លើង Sileri គឺជាភ្នំភ្លើងដែលបញ្ចេញសកម្មភាពគ្រោះថ្នាក់បំផុតក្នុងចំណោមភ្នំភ្លើងទាំងនោះនៅក្នុងតំបន់ Dieng Plateau ។ ការព្រួសកម្អែលធំបំផុតនៅឆ្នាំ២០០៩ ដោយព្រួសកម្អែលកម្ពសដល់ទៅ២០០ម៉ែត្រ៕ ម៉ែវ សាធី
