សារព័ត៌មាន នគរវត្ត តែងតែនាំមុខគេជានិច្ច
ព្រះសីហនុះ មុននេះបន្តិចនាព្រឹកថ្ងៃទី ៣ខែកក្កដា ឆ្នាំ២០១៧ មានសេចក្តីរាយការណ៍ដ៏ភ្ញាក់ផ្អើលមកថា ប្រធាន និងអនុប្រធានសាខា អង្គភាព អគ្គីសនី កម្ពុជា ខេត្តព្រះសីហនុ ត្រូវបានថ្នាក់លើដោះដូរ ទាំងពីរនាក់តែម្តង ។
ប្រការនេះត្រូវបានមន្ត្រីអគ្គីសនីក្រោមឱវាទ អបអរសាទរ ដោយពួកគេលើកឡើងថា គម្រោងថ្នាក់លើ ដែលត្រូវដកចេញនោះមានចំនួន៣នាក់ តែម្នាក់នោះ(លាក់ឈ្មោះសិន)គេមានលុយច្រើនរត់ការ ចុះឡើងៗត្រូវថ្នាក់ដឹកនាំ រក្សាតំណែងឲ្យនៅបណ្តោះអាសន្ន សិន ដើម្បីកែខ្លួន។
ប្រភពដដែលបានបន្តថា ប្រធានសាខាអគ្គីសនីថ្មី ឈ្មោះ លោក សេង វិចិត្រ ត្រូវបានចូលកាន់តំណែងនៅព្រឹកថ្ងៃទី៣ ខែកក្កដា ហើយ ចំណែក លោក ឈឹម សឿន ប្តូរទៅជា ជំនួយ អគ្គនាយកដ្ឋាន អគ្គីសនី នៅភ្នំពេញ ដោយឡែក អនុប្រធាន លោក គី វុឌ្ឍី ត្រូវបានដកតំណែងចេញទៅជាបុគ្គលិក សាមញ្ញនៅភ្នំពេញផងដែរ។
ប្រភពបានខ្សឹប ប្រាប់ថា កន្លងមក អគ្គីសនី កម្ពុជា ខេត្តព្រះសីហនុ មានភាពមិនប្រក្រតីច្រើន ធ្វើឲ្យប៉ះដល់ផលប្រយោជន៍ រួមជាច្រើនដូចជាមតិរិះគន់ពីអ្នកប្រើប្រាស់ផ្សេងៗផងដែរ ៕ ឆ្លាម សមុទ្រ
លោក ឈឹម សឿន
៣នាក់នេះ ជាប្រធាន អនុប្រធានអគ្គីសនីខេត្តព្រះសីហនុ
