សារព័ត៌មាន នគរវត្ត តែងតែនាំមុខគេជានិច្ច
ក្រុមហ៊ុន Asus បានបង្ហាញទូរស័ព្ទថ្មីនៃស៊េរី Zenfone 4 របស់ខ្លួនដូចជា ZenFone 4, ZenFone Max, ZenFone 4 Max Pro, ZenFone 4 Selfie, និង ZenFone 4 Selfie Pro ។ ពត៌មានទាក់ទងទៅនឹងម៉ូដែលទាំនេះនិងលក្ខណៈពិសេសត្រូវបានលេចធ្លាយកាលពីសប្ដាហ៍មុននៅលើគេហទំព័ររបស់ក្រុមហ៊ុនតៃវ៉ាន់។ ម៉ូដែល ZenFone 4 និង ZenFone 4 Max មានកាមេរ៉ាពីរខាងក្រោយ ខណៈដែលម៉ូដែល Selfie មានកាមេរ៉ាមុខពីរដែលថតរូបបានជាមួយនឹងមុំ 120 ដឺក្រេ។
ភាពខុសគ្នារវាងទូរស័ព្ទគឺអាស្រ័យទៅលើអ្វីដែលអ្នកចង់បាននិងប្រើប្រាស់វា។ ម៉ូដែល selfie ត្រូវបានធ្វើឡើងដោយថតរូបផ្នែកខាងមុខរបស់អ្នកប្រើប្រាស់ ដូច្នេះកាមេរ៉ាមុខមានកាមេរ៉ាទំហំ 20MP ឬ 24MP ដ៏ធំមួយសំរាប់ម៉ូដែលធម្មតានិងម៉ូដែល Pro ។ សំរាប់ Selfie Pro version អាចថតវីដេអូដែលមានគុណភាព 4K ពីកាមេរ៉ាផ្នែកខាងមុខផងដែរ និងមកនៅក្នុងជម្រើសរបស់អ្នកដែលមានបួនពណ៌អោយជ្រើសរើស។
ចំពោះម៉ូដែល ZenFone Max ទន្ទឹមនឹងនេះដែរ វាមានថាមពលថ្មដ៏ធំសម្បើមហើយ Asus បានអះអាងថាមាន 37,6 ម៉ោងក្នុងការនិយាយ 3G និង 32,5 ម៉ោងសំរាប់ការលេង wifi គិតក្នុងការសាកថ្មមួយដង។ ថ្មរបស់ ZenFone Max មានសមត្ថភាពថាមពល 5,000mAh ហើយវាក៏ធ្វើការជា power bank ដើម្បីសាកថ្មទៅទូរស័ព្ទផ្សេងៗទៀតរបស់អ្នក។ ជាចុងក្រោយ ZenFone 4 និង ZenFone 4 Max Pro ត្រូវបានដាក់លក់សម្រាប់សមត្ថភាពថតរូបរបស់ពួកគេជាមួយកាមេរ៉ាខាងក្រោយទំហំ 12MP និង 16MP ។ ម៉ូដែល Max Pro ក៏ត្រូវបានផ្តល់ជូនបន្ថែមទៀត សម្រាប់អ្នកដែលកំពុងធ្វើដំណើរឆ្ងាយ ព្រោះវាក៏មានថាមពលថ្ម 5000 mAh ។ ទូរស័ព្ទទាំងបួននឹងមកជាមួយប្រព័ន្ធប្រតិបត្តិការ Android 7.1.1 Nougat និងចាប់ផ្តើមលក់ពីតម្លៃ 279 ដុល្លារសម្រាប់ម៉ូដ Selfie និង $ 399 សម្រាប់ស្មាតហ្វូន ៕ ហេង លក្ខិណា
