សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្រ្តីម្នាក់ជាមុខសញ្ញាចាស់ដើរលួចកាបូបនៅក្នុងផ្សារអូរឫស្សី ត្រូវសន្តិសុខផ្សារឃាត់ខ្លួនទើបប្រគល់ឲ្យសមត្ថកិច្ចខណ្ឌ៧មករា កាលពីវេលាម៉ោង១និង១០នាទីរសៀល ថ្ងៃទី១៧ ខែតុលា ឆ្នាំ២០១៧ នៅចំណុចក្នុងផ្សារអូឫស្សី ស្ថិតក្នុងសង្កាត់ អូឫស្សី១ ខណ្ឌ៧មករា រាជធានីភ្នំពេញ។
សមត្ថកិច្ចបានឲ្យដឹងថា ជនសង្ស័យខាងលើឈ្មោះ ភិន នី ភេទស្រី អាយុ៣៨ ឆ្នាំ មុខរបរមិនពិតប្រាដក មានលំនៅស្រុកត្រាំកត់ ខេត្តតាកែវ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានគេបានឃើញស្រ្តីជនសង្ស័យបានដើរចុះឡើងដោយបម្រុងធ្វើសម្មភាពលួចយកទូរស័ព្ទដៃតែត្រូវប្រជាពលរដ្នដែលនៅកន្លែង ដោយឃើញដូចនោះ ក៏នាំគ្នាស្រែកឆោឡោឡើង និងត្រូវសន្តិសុខនៅក្នុងផ្សារអូឫស្សីដេញចាប់ភ្លាមៗផងដែរ ទើបប្រគល់ឲ្យសមត្ថកិច្ច។
ក្រោយកើតហេតុស្រ្តីជនសង្ស័យត្រូវបាននគរបាលរដ្នបាលបុ៉ស្តិ៍អូរឫស្សី១ យកទៅអធិការដ្ឋាននគរបាលខណ្ឌ៧មករាដើម្បីចាក់ការតាមផ្លូវច្បាប់៕ ស រស្មី
